Kóktemgi egis jumystaryn ótkizý qajettigine bailanysty fermerlerge blokpostardan esh kedergisiz ótý múmkindigi beriledi. Bul týraly QR Aýyl sharýashylyǵy ministrligi baspasóz qyzmetinen málim etti, dep habarlaidy "Ult aqparat".
«Memleket basshysynyń tapsyrmasyn oryndaý maqsatynda oblys ákimdikteri aýyl sharýashylyǵy taýarlaryn óndirýshilerdiń, aýyl sharýashylyǵy tehnikasy men taýarlyq-materialdyq zattardy jetkizýshilerdiń esh qiyndyqsyz qozǵalysyn qamtamasyz etý boiynsha tiisti algoritmdi daiyndady. Oblys ákimdikteri óńir aýmaǵyndaǵy qozǵalysqa ruqsatnamany alýdyń elektrondyq portaldaryn ázirlep, iske qosty», - delingen ministrlik málimetinde.
«Atalǵan ótinimge elektrondyq formatta kásiporyn basshysy qol qoiady. Osy qujat elektrondyq bazaǵa engizilip, avtomatty túrde barlyq blokpostarǵa jetkiziledi, sondai-aq blokpostardan ótýge ruqsat etiledi. Kóktemgi egis jumystaryn ýaqytyly júrgizýdiń mańyzdylyǵyn eskere otyryp, aýyl sharýashylyǵy taýralaryn óndirýshiler úshin «jasyl dáliz» qaǵidaty boiynsha jeńildetilgen bólek tártipti bekitýdi usynamyz», - dep atap ótti Aýyl sharýashylyǵy ministrligi mamandary.
