كٶكتەمگٸ ەگٸس جۇمىستارىن ٶتكٸزۋ قاجەتتٸگٸنە بايلانىستى فەرمەرلەرگە بلوكپوستاردان ەش كەدەرگٸسٸز ٶتۋ مٷمكٸندٸگٸ بەرٸلەدٸ. بۇل تۋرالى قر اۋىل شارۋاشىلىعى مينيسترلٸگٸ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
«مەملەكەت باسشىسىنىڭ تاپسىرماسىن ورىنداۋ ماقساتىندا وبلىس ەكٸمدٸكتەرٸ اۋىل شارۋاشىلىعى تاۋارلارىن ٶندٸرۋشٸلەردٸڭ, اۋىل شارۋاشىلىعى تەحنيكاسى مەن تاۋارلىق-ماتەريالدىق زاتتاردى جەتكٸزۋشٸلەردٸڭ ەش قيىندىقسىز قوزعالىسىن قامتاماسىز ەتۋ بويىنشا تيٸستٸ الگوريتمدٸ دايىندادى. وبلىس ەكٸمدٸكتەرٸ ٶڭٸر اۋماعىنداعى قوزعالىسقا رۇقساتنامانى الۋدىڭ ەلەكتروندىق پورتالدارىن ەزٸرلەپ, ٸسكە قوستى», - دەلٸنگەن مينيسترلٸك مەلٸمەتٸندە.
«اتالعان ٶتٸنٸمگە ەلەكتروندىق فورماتتا كەسٸپورىن باسشىسى قول قويادى. وسى قۇجات ەلەكتروندىق بازاعا ەنگٸزٸلٸپ, اۆتوماتتى تٷردە بارلىق بلوكپوستارعا جەتكٸزٸلەدٸ, سونداي-اق بلوكپوستاردان ٶتۋگە رۇقسات ەتٸلەدٸ. كٶكتەمگٸ ەگٸس جۇمىستارىن ۋاقىتىلى جٷرگٸزۋدٸڭ ماڭىزدىلىعىن ەسكەرە وتىرىپ, اۋىل شارۋاشىلىعى تاۋرالارىن ٶندٸرۋشٸلەر ٷشٸن «جاسىل دەلٸز» قاعيداتى بويىنشا جەڭٸلدەتٸلگەن بٶلەك تەرتٸپتٸ بەكٸتۋدٸ ۇسىنامىز», - دەپ اتاپ ٶتتٸ اۋىل شارۋاشىلىعى مينيسترلٸگٸ ماماندارى.
