2020 jyldyń tórtinshi toqsanynyń qorytyndylary boiynsha qazaqstandyqtardyń ortasha ailyq jalaqysynyń mólsheri jyldyq 14,3 ósimdi kórsetip, 233,1 myń teńgege jetti, – dep habarlaidy finprom.kz.
Infliatsiiany esepke alǵanda, naqty ósim 6,5 paiyzdy quraǵan. Salystyrmaly túrde, 2019 jyldyń sáikes, kezeńinde qazaqstandyqtardyń ortasha ailyq jalaqysy 203,9 myń teńgeni quraǵan.
Óńirler arasynda ortasha ailyq jalaqynyń eń úlken mólsheri dástúrli túrde Atyraý oblysynda: 377,4 myń teńge, bul el boiynsha kórsetkishten jalpy alǵanda 61,9 paiyzǵa kóp. Ortasha ailyq jalaqysy joǵary aimaqtar «úshtigine» sondai-aq elorda (349,6 myń tg) jáne Mańǵystaý oblysy (337,7 myń tg) kirgen.
Al tómengi jalaqy Túrkistan (166,7 myń tg), Jambyl (168,8 myń tg) jáne Soltústik Qazaqstan oblystarynyń (168,9 myń tg) turǵyndary alady.
Túrli salalarda qyzmet etetin jumyskerlerdiń eńbekaqysynda aiyrmashylyqtar baiqalǵan.
Máselen, taý-ken qazý ónerkásibinde ortasha ailyq jalaqynyń maksimaldy mólsheri belgilendi (472,3 tys. tg), al qarjy jáne saqtandyrý qyzmetinde bul kórsetkish 422,6 myń teńgeni quraǵan. Osy arada, eń tómen ortasha ailyq kórsetkish sýmen jabdyqtaý salasynda (145,7 myń tg) jáne aýyl sharýashylyǵynda (147,7 myń tg) tirkelgen.
Óz kezeginde, bilim berý salasynda ortasha ailyq jalaqy 176,5 myń tg quraǵan (el boiynsha ortasha kórsetkishten 24,3% tómen), densaýlyq saqtaý salasyndaǵy ortasha jalaqy - 197,4 myń tg (el boiynsha ortasha kórsetkishten 15,3% tómen). Bul salalardaǵy ortasha ailyq jalaqy el boiynsha eń tómengiler qatarynda.
Osylaisha, Qazaqstanda munaishylar men qarjygerler muǵalimder men dárigerlerge qaraǵanda eki ese kóp tabys tabady.
