2020 جىلدىڭ تٶرتٸنشٸ توقسانىنىڭ قورىتىندىلارى بويىنشا قازاقستاندىقتاردىڭ ورتاشا ايلىق جالاقىسىنىڭ مٶلشەرٸ جىلدىق 14,3 ٶسٸمدٸ كٶرسەتٸپ, 233,1 مىڭ تەڭگەگە جەتتٸ, – دەپ حابارلايدى finprom.kz.
ينفلياتسييانى ەسەپكە العاندا, ناقتى ٶسٸم 6,5 پايىزدى قۇراعان. سالىستىرمالى تٷردە, 2019 جىلدىڭ سەيكەس, كەزەڭٸندە قازاقستاندىقتاردىڭ ورتاشا ايلىق جالاقىسى 203,9 مىڭ تەڭگەنٸ قۇراعان.
ٶڭٸرلەر اراسىندا ورتاشا ايلىق جالاقىنىڭ ەڭ ٷلكەن مٶلشەرٸ دەستٷرلٸ تٷردە اتىراۋ وبلىسىندا: 377,4 مىڭ تەڭگە, بۇل ەل بويىنشا كٶرسەتكٸشتەن جالپى العاندا 61,9 پايىزعا كٶپ. ورتاشا ايلىق جالاقىسى جوعارى ايماقتار «ٷشتٸگٸنە» سونداي-اق ەلوردا (349,6 مىڭ تگ) جەنە ماڭعىستاۋ وبلىسى (337,7 مىڭ تگ) كٸرگەن.
ال تٶمەنگٸ جالاقى تٷركٸستان (166,7 مىڭ تگ), جامبىل (168,8 مىڭ تگ) جەنە سولتٷستٸك قازاقستان وبلىستارىنىڭ (168,9 مىڭ تگ) تۇرعىندارى الادى.
تٷرلٸ سالالاردا قىزمەت ەتەتٸن جۇمىسكەرلەردٸڭ ەڭبەكاقىسىندا ايىرماشىلىقتار بايقالعان.
مەسەلەن, تاۋ-كەن قازۋ ٶنەركەسٸبٸندە ورتاشا ايلىق جالاقىنىڭ ماكسيمالدى مٶلشەرٸ بەلگٸلەندٸ (472,3 تىس. تگ), ال قارجى جەنە ساقتاندىرۋ قىزمەتٸندە بۇل كٶرسەتكٸش 422,6 مىڭ تەڭگەنٸ قۇراعان. وسى ارادا, ەڭ تٶمەن ورتاشا ايلىق كٶرسەتكٸش سۋمەن جابدىقتاۋ سالاسىندا (145,7 مىڭ تگ) جەنە اۋىل شارۋاشىلىعىندا (147,7 مىڭ تگ) تٸركەلگەن.
ٶز كەزەگٸندە, بٸلٸم بەرۋ سالاسىندا ورتاشا ايلىق جالاقى 176,5 مىڭ تگ قۇراعان (ەل بويىنشا ورتاشا كٶرسەتكٸشتەن 24,3% تٶمەن), دەنساۋلىق ساقتاۋ سالاسىنداعى ورتاشا جالاقى - 197,4 مىڭ تگ (ەل بويىنشا ورتاشا كٶرسەتكٸشتەن 15,3% تٶمەن). بۇل سالالارداعى ورتاشا ايلىق جالاقى ەل بويىنشا ەڭ تٶمەنگٸلەر قاتارىندا.
وسىلايشا, قازاقستاندا مۇنايشىلار مەن قارجىگەرلەر مۇعالٸمدەر مەن دەرٸگەرلەرگە قاراعاندا ەكٸ ەسە كٶپ تابىس تابادى.
