«Kazakhmys Distribution» JShS bas direktory mindetin atqarýshy Temirlan Ótegenov Qazaqstanda elektr energiiasynyń qymbattaýyna qatysty pikirin bildirdi. Onyń aitýynsha, energiia óndiretin stantsiialardyń jumysyn qoldaý úshin tarifterdi kóterý – ýaqtyly qabyldanǵan sheshim bolyp otyr, dep habarlaidy QazAqparat.
«Shynynda da Energetika ministrligi energiia óndiretin uiymdardyń tarifti 16 paiyzǵa ósirý týraly usynysyn qoldady. Iaǵni eger 2-3 bólmeli úiińiz bolsa, túpki tutynýshy úshin elektr energiiasy 200-250 teńgege qymbattaidy degen sóz. Ministrlik ne úshin mundai qadamǵa baryp otyr? Jalpy qazandyqtar men trýbinalardyń tozý deńgeii qazirgi ýaqytta elde ortasha eseppen 60 paiyzdy quraidy. Aimaqtarda, máselen Temirtaý sekildi qalalarda bul kórsetkish tipti 80 paiyzdan asyp ketken. Demek jaǵdai bulai kete berse stantsiia múlde jumys istemei qalýy múmkin. Osyǵan bailanysty qalalarda elektr energiiasy óship qalmaýy nemese qystygúni qiyn jaǵdailar týyndamaýy úshin stantsiia árdaiym jańǵyrtylyp otyrýy kerek», - dedi Temirlan Ótegenov.
Onyń sózine qaraǵanda, qazirgi ýaqytta elektr energiiasyn óndiretin qurylǵylardy ustap turýdyń ózi qymbattap barady. Bir ǵana kómir baǵasynyń, logistikanyń jyl saiyn qymbattaýy stantsiia jumysyna edáýir áserin tigizedi.
«Osy qymbatshylyq tendentsiiasynyń jalǵasýy – stantsiianyń burynǵy tarifte qalyp, shyǵyndardy jabýyna múmkindik bermeidi. Sondyqtan meniń oiymsha Energetika ministrligi ýaqtyly sheshim qabyldap otyr. Qazirgi tańda bárimiz úirenip qaldyq: úige kelsek, jaryq jarqyrap turady. Toqsanynshy jyldardy eske túsirip kórelik: ol kezde tipti jaryqty eki-úsh saǵatqa ǵana beretin edi ǵoi. Mundai da ýaqyt ótti. Sol sebepti osy tendentsiiany saqtap, stantsiia jumystaryn da qoldap otyrý kerek», - dedi ol.
Eske sala ketsek, búgin QR Energetika ministrligi Elektr energetikasyn damytý departamentiniń direktory Aidos Dáribaev 1 shildeden Qazaqstanda elektr energiiasy qymbattaitynyn habarlaǵan edi. Qazaqstan boiynsha energiia óndirýshi uiymdardyń shekti tarifteriniń ortasha ulǵaiýy 16 paiyz deńgeiinde boljanýda.
