«Kazakhmys Distribution» جشس باس ديرەكتورى مٸندەتٸن اتقارۋشى تەمٸرلان ٶتەگەنوۆ قازاقستاندا ەلەكتر ەنەرگيياسىنىڭ قىمباتتاۋىنا قاتىستى پٸكٸرٸن بٸلدٸردٸ. ونىڭ ايتۋىنشا, ەنەرگييا ٶندٸرەتٸن ستانتسييالاردىڭ جۇمىسىن قولداۋ ٷشٸن تاريفتەردٸ كٶتەرۋ – ۋاقتىلى قابىلدانعان شەشٸم بولىپ وتىر, دەپ حابارلايدى قازاقپارات.
«شىنىندا دا ەنەرگەتيكا مينيسترلٸگٸ ەنەرگييا ٶندٸرەتٸن ۇيىمداردىڭ تاريفتٸ 16 پايىزعا ٶسٸرۋ تۋرالى ۇسىنىسىن قولدادى. ياعني ەگەر 2-3 بٶلمەلٸ ٷيٸڭٸز بولسا, تٷپكٸ تۇتىنۋشى ٷشٸن ەلەكتر ەنەرگيياسى 200-250 تەڭگەگە قىمباتتايدى دەگەن سٶز. مينيسترلٸك نە ٷشٸن مۇنداي قادامعا بارىپ وتىر? جالپى قازاندىقتار مەن ترۋبينالاردىڭ توزۋ دەڭگەيٸ قازٸرگٸ ۋاقىتتا ەلدە ورتاشا ەسەپپەن 60 پايىزدى قۇرايدى. ايماقتاردا, مەسەلەن تەمٸرتاۋ سەكٸلدٸ قالالاردا بۇل كٶرسەتكٸش تٸپتٸ 80 پايىزدان اسىپ كەتكەن. دەمەك جاعداي بۇلاي كەتە بەرسە ستانتسييا مٷلدە جۇمىس ٸستەمەي قالۋى مٷمكٸن. وسىعان بايلانىستى قالالاردا ەلەكتر ەنەرگيياسى ٶشٸپ قالماۋى نەمەسە قىستىگٷنٸ قيىن جاعدايلار تۋىنداماۋى ٷشٸن ستانتسييا ەردايىم جاڭعىرتىلىپ وتىرۋى كەرەك», - دەدٸ تەمٸرلان ٶتەگەنوۆ.
ونىڭ سٶزٸنە قاراعاندا, قازٸرگٸ ۋاقىتتا ەلەكتر ەنەرگيياسىن ٶندٸرەتٸن قۇرىلعىلاردى ۇستاپ تۇرۋدىڭ ٶزٸ قىمباتتاپ بارادى. بٸر عانا كٶمٸر باعاسىنىڭ, لوگيستيكانىڭ جىل سايىن قىمباتتاۋى ستانتسييا جۇمىسىنا ەدەۋٸر ەسەرٸن تيگٸزەدٸ.
«وسى قىمباتشىلىق تەندەنتسيياسىنىڭ جالعاسۋى – ستانتسييانىڭ بۇرىنعى تاريفتە قالىپ, شىعىنداردى جابۋىنا مٷمكٸندٸك بەرمەيدٸ. سوندىقتان مەنٸڭ ويىمشا ەنەرگەتيكا مينيسترلٸگٸ ۋاقتىلى شەشٸم قابىلداپ وتىر. قازٸرگٸ تاڭدا بەرٸمٸز ٷيرەنٸپ قالدىق: ٷيگە كەلسەك, جارىق جارقىراپ تۇرادى. توقسانىنشى جىلداردى ەسكە تٷسٸرٸپ كٶرەلٸك: ول كەزدە تٸپتٸ جارىقتى ەكٸ-ٷش ساعاتقا عانا بەرەتٸن ەدٸ عوي. مۇنداي دا ۋاقىت ٶتتٸ. سول سەبەپتٸ وسى تەندەنتسييانى ساقتاپ, ستانتسييا جۇمىستارىن دا قولداپ وتىرۋ كەرەك», - دەدٸ ول.
ەسكە سالا كەتسەك, بٷگٸن قر ەنەرگەتيكا مينيسترلٸگٸ ەلەكتر ەنەرگەتيكاسىن دامىتۋ دەپارتامەنتٸنٸڭ ديرەكتورى ايدوس دەرٸباەۆ 1 شٸلدەدەن قازاقستاندا ەلەكتر ەنەرگيياسى قىمباتتايتىنىن حابارلاعان ەدٸ. قازاقستان بويىنشا ەنەرگييا ٶندٸرۋشٸ ۇيىمداردىڭ شەكتٸ تاريفتەرٸنٸڭ ورتاشا ۇلعايۋى 16 پايىز دەڭگەيٸندە بولجانۋدا.
