Foto:elements.envato.com
Qazaqstandaǵy janarmai quiý beketterinde dizel otynyn tutynýshylardyń málimetterin tekserý júiesi iske qosylady. Bul týraly Energetika ministri Bolat Aqsholaqov aitty, - dep habarlaidy Tengrinews.kz.
"Qazir ministrlik múddeli memlekettik organdarmen birlesip, tehnikalyq máselelerdi sheshý jolynda jumys istep jatyr. Alda dizel otynyn tutynatyndardyń derekteri tirkeletin bolady. Bul janarmaidyń osy túrin jergilikti jerde taratý kezinde múmkin bolatyn aila-amaldardy boldyrmaidy. Qyrkúiektiń ortasynda biz bul modýldi barlyq janar-jaǵarmai quiý stantsiialary jelileri úshin iske qosamyz", - dedi Aqsholaqov.
Energetika ministrliginiń basshysy 2022 jyldyń tamyzynda tranzittik vagondardyń arzan qazaqstandyq dizel otynyn tutynýyn azaitý maqsatynda jedel túrde buiryq qabyldanǵanyn, oǵan sáikes dizel otynynyń shekti baǵasy 450 teńge bolǵanyn atap ótti.
"Júrgizýshi qujattaryn kórsetkennen keiin aimaqqa bailanysty litrine 230-260 teńge kóleminde janarmai quiýǵa quqyly. Jeke kólikter kúnine 100 litr dizeldi litrin 230-260 teńgeden quisa, júk kólikteri úshin tasymaldaý shegi - táýligine 300 litr", - dep tolyqtyrdy ol.
