فوتو:elements.envato.com
قازاقستانداعى جانارماي قۇيۋ بەكەتتەرٸندە ديزەل وتىنىن تۇتىنۋشىلاردىڭ مەلٸمەتتەرٸن تەكسەرۋ جٷيەسٸ ٸسكە قوسىلادى. بۇل تۋرالى ەنەرگەتيكا مينيسترٸ بولات اقشولاقوۆ ايتتى, - دەپ حابارلايدى Tengrinews.kz.
"قازٸر مينيسترلٸك مٷددەلٸ مەملەكەتتٸك ورگاندارمەن بٸرلەسٸپ, تەحنيكالىق مەسەلەلەردٸ شەشۋ جولىندا جۇمىس ٸستەپ جاتىر. الدا ديزەل وتىنىن تۇتىناتىنداردىڭ دەرەكتەرٸ تٸركەلەتٸن بولادى. بۇل جانارمايدىڭ وسى تٷرٸن جەرگٸلٸكتٸ جەردە تاراتۋ كەزٸندە مٷمكٸن بولاتىن ايلا-امالداردى بولدىرمايدى. قىركٷيەكتٸڭ ورتاسىندا بٸز بۇل مودۋلدٸ بارلىق جانار-جاعارماي قۇيۋ ستانتسييالارى جەلٸلەرٸ ٷشٸن ٸسكە قوسامىز", - دەدٸ اقشولاقوۆ.
ەنەرگەتيكا مينيسترلٸگٸنٸڭ باسشىسى 2022 جىلدىڭ تامىزىندا ترانزيتتٸك ۆاگونداردىڭ ارزان قازاقستاندىق ديزەل وتىنىن تۇتىنۋىن ازايتۋ ماقساتىندا جەدەل تٷردە بۇيرىق قابىلدانعانىن, وعان سەيكەس ديزەل وتىنىنىڭ شەكتٸ باعاسى 450 تەڭگە بولعانىن اتاپ ٶتتٸ.
"جٷرگٸزۋشٸ قۇجاتتارىن كٶرسەتكەننەن كەيٸن ايماققا بايلانىستى ليترٸنە 230-260 تەڭگە كٶلەمٸندە جانارماي قۇيۋعا قۇقىلى. جەكە كٶلٸكتەر كٷنٸنە 100 ليتر ديزەلدٸ ليترٸن 230-260 تەڭگەدەن قۇيسا, جٷك كٶلٸكتەرٸ ٷشٸن تاسىمالداۋ شەگٸ - تەۋلٸگٸنە 300 ليتر", - دەپ تولىقتىردى ول.
