Foto:elements.envato.com
Dizel otyny bir jylda 13 paiyzǵa, qysqy otyn birden 31 paiyzǵa qymbattaǵan. Al dizel otyny óndirisi 10 paiyzǵa ósken, - dep habarlaidy Tengrinews.kz agenttigi Energyprom.kz saityna silteme jasap.
Biyl qańtar men qazan aralyǵynda elimizde 4,6 million tonna dizel otyny óndirilgen, bul byltyrmen salystyrǵanda 9,7 paiyzǵa artyq. 2021 jyly elimizde óndiris 6,6 paiyzǵa, 5 million tonnaǵa deiin ósken.
Biyl qańtar men tamyz aralyǵynyń qorytyndysy boiynsha jergilikti kompaniialar dizel otynyna suranysty (ishki naryqta ótkizý jáne eksport) byltyrǵy 97,3 paiyzǵa qaraǵanda, 99,3 paiyzǵa qamtamasyz etken. Osy kezeńde óndiris 3,6 million tonna bolǵan. Al bul kórsetkish byltyrmen salystyrǵanda 7,9 paiyzǵa artyq.
Alaida dizel otynynyń importy men eksporty tómen bolǵan: 23,8 myń tonna (byltyrǵydan 3,9 ese az) jáne 60,5 myń tonna (byltyrǵydan 3,4 ese az). Ishki naryqta satylym 3,6 million tonna bolǵan, byltyrmen salystyrǵanda 10,5 paiyzǵa artyq.
Biylǵy qazannyń qorytyndysy boiynsha dizel otynynyń baǵasy bir jylda 12,5 paiyzǵa ósken. Onyń ishinde jazǵy dizel otyny 1,3 paiyzǵa arzandasa, al qysqy otyn, kerisinshe, birden 30,7 paiyzǵa qymbattaǵan.
Dizel otyny baǵasy Aqtóbe oblysynda aitarlyqtai ósken. Munda bir jylda 27,9 paiyzǵa kóterilgen. Antiliderler úshtigine Abai (jylyna 24,6 paiyz) jáne Shyǵys Qazaqstan (24,4 paiyz) oblystary da kirgen. Almaty oblysynda baǵa aitarlyqtai óspegen, munda 0,5 paiyz. Shymkent, Jambyl jáne Jetisý oblystarynda baǵa burynǵy qalpynda qalǵan. Túrkistan oblysynda dizel otyny 1,8 paiyzǵa arzandaǵan.
