فوتو:elements.envato.com
ديزەل وتىنى بٸر جىلدا 13 پايىزعا, قىسقى وتىن بٸردەن 31 پايىزعا قىمباتتاعان. ال ديزەل وتىنى ٶندٸرٸسٸ 10 پايىزعا ٶسكەن, - دەپ حابارلايدى Tengrinews.kz اگەنتتٸگٸ Energyprom.kz سايتىنا سٸلتەمە جاساپ.
بيىل قاڭتار مەن قازان ارالىعىندا ەلٸمٸزدە 4,6 ميلليون توننا ديزەل وتىنى ٶندٸرٸلگەن, بۇل بىلتىرمەن سالىستىرعاندا 9,7 پايىزعا ارتىق. 2021 جىلى ەلٸمٸزدە ٶندٸرٸس 6,6 پايىزعا, 5 ميلليون تونناعا دەيٸن ٶسكەن.
بيىل قاڭتار مەن تامىز ارالىعىنىڭ قورىتىندىسى بويىنشا جەرگٸلٸكتٸ كومپانييالار ديزەل وتىنىنا سۇرانىستى (ٸشكٸ نارىقتا ٶتكٸزۋ جەنە ەكسپورت) بىلتىرعى 97,3 پايىزعا قاراعاندا, 99,3 پايىزعا قامتاماسىز ەتكەن. وسى كەزەڭدە ٶندٸرٸس 3,6 ميلليون توننا بولعان. ال بۇل كٶرسەتكٸش بىلتىرمەن سالىستىرعاندا 7,9 پايىزعا ارتىق.
الايدا ديزەل وتىنىنىڭ يمپورتى مەن ەكسپورتى تٶمەن بولعان: 23,8 مىڭ توننا (بىلتىرعىدان 3,9 ەسە از) جەنە 60,5 مىڭ توننا (بىلتىرعىدان 3,4 ەسە از). ٸشكٸ نارىقتا ساتىلىم 3,6 ميلليون توننا بولعان, بىلتىرمەن سالىستىرعاندا 10,5 پايىزعا ارتىق.
بيىلعى قازاننىڭ قورىتىندىسى بويىنشا ديزەل وتىنىنىڭ باعاسى بٸر جىلدا 12,5 پايىزعا ٶسكەن. ونىڭ ٸشٸندە جازعى ديزەل وتىنى 1,3 پايىزعا ارزانداسا, ال قىسقى وتىن, كەرٸسٸنشە, بٸردەن 30,7 پايىزعا قىمباتتاعان.
ديزەل وتىنى باعاسى اقتٶبە وبلىسىندا ايتارلىقتاي ٶسكەن. مۇندا بٸر جىلدا 27,9 پايىزعا كٶتەرٸلگەن. انتيليدەرلەر ٷشتٸگٸنە اباي (جىلىنا 24,6 پايىز) جەنە شىعىس قازاقستان (24,4 پايىز) وبلىستارى دا كٸرگەن. الماتى وبلىسىندا باعا ايتارلىقتاي ٶسپەگەن, مۇندا 0,5 پايىز. شىمكەنت, جامبىل جەنە جەتٸسۋ وبلىستارىندا باعا بۇرىنعى قالپىندا قالعان. تٷركٸستان وبلىسىندا ديزەل وتىنى 1,8 پايىزعا ارزانداعان.
