Elimizdiń kómir óndirýshi kásiporyndary kómir kontsentratyn eseptemegende, ótken jyly 111,7 mln tonna kómir óndirdi. 2020 jylmen salystyrǵanda ósim 2 % qurady, dep habarlaidy IIDM baspasóz qyzmeti.
Energiia óndirýshi kásiporyndarǵa 59,3 mln tonna (2020 jylmen salystyrǵanda +0,8%), ónerkásip kásiporyndaryna 6,8 mln tonna (+21,4%) jóneltildi. Kommýnaldyq-turmystyq qajettilikterge jáne halyqqa 10,7 mln tonna tieldi. Bul arǵy jyldyń kórsetkishimen salystyrǵanda 0,9% kóp.
QR IIDM jylý berý maýsymy aldynda jergilikti atqarýshy organdardyń derekteri negizinde 2021-2022 jyldarǵa arnap kommýnaldyq-turmystyq qajettilikter men turǵyndar úshin kómirge qajettilik josparyn qurdy.
