Qazaqstanda biznesti ashý men júrgizýde shyǵyndardy tómendetýge baǵyttalǵan zań jobasy ázirlenip jatyr. Bul týraly búgin jetinshi shaqyrylǵan QR Parlamentiniń birinshi sessiiasynda Prezident Qasym-Jomart Toqaev málim etti, dep habarlaidy QazAqparat.
«Taǵy bir maqsat – biznesti júrgizý úshin qolaily jaǵdai jasaý. Jańa ekonomikalyq saiasatqa negizdelgen kásipkerlikti qoldaýdyń tetigin ázirleý qajettigi bar. Saladaǵy retteý is-sharalaryn jańa qadamdardan bastaýǵa tapsyrma bergen edim, bul óz kezegine biznesti ashý men júrgizýde shyǵyndardy aitarlyqtai tómendetedi», - dedi Prezident.
Memleket basshysy 2020 jyldyń sońynda tiisti Jarlyqqa qol qoiǵanyn eske saldy.
«Oǵan sáikes, Úkimet mańyzdy zań jobasyn daiarlap jatyr. Qujat 2021 jyldyń maýsym aiynda Májilistiń qaraýyna engiziledi. Osy oraida Kásipkerler usynystary men qoǵamdyq múddeni eskere otyryp, atalǵan zań jobasyn depýtattardyń jan-jaqty qaraýyn suraimyn», - dedi Q. Toqaev.
