قازاقستاندا بيزنەستٸ اشۋ مەن جٷرگٸزۋدە شىعىنداردى تٶمەندەتۋگە باعىتتالعان زاڭ جوباسى ەزٸرلەنٸپ جاتىر. بۇل تۋرالى بٷگٸن جەتٸنشٸ شاقىرىلعان قر پارلامەنتٸنٸڭ بٸرٸنشٸ سەسسيياسىندا پرەزيدەنت قاسىم-جومارت توقاەۆ مەلٸم ەتتٸ, دەپ حابارلايدى قازاقپارات.
«تاعى بٸر ماقسات – بيزنەستٸ جٷرگٸزۋ ٷشٸن قولايلى جاعداي جاساۋ. جاڭا ەكونوميكالىق ساياساتقا نەگٸزدەلگەن كەسٸپكەرلٸكتٸ قولداۋدىڭ تەتٸگٸن ەزٸرلەۋ قاجەتتٸگٸ بار. سالاداعى رەتتەۋ ٸس-شارالارىن جاڭا قادامداردان باستاۋعا تاپسىرما بەرگەن ەدٸم, بۇل ٶز كەزەگٸنە بيزنەستٸ اشۋ مەن جٷرگٸزۋدە شىعىنداردى ايتارلىقتاي تٶمەندەتەدٸ», - دەدٸ پرەزيدەنت.
مەملەكەت باسشىسى 2020 جىلدىڭ سوڭىندا تيٸستٸ جارلىققا قول قويعانىن ەسكە سالدى.
«وعان سەيكەس, ٷكٸمەت ماڭىزدى زاڭ جوباسىن دايارلاپ جاتىر. قۇجات 2021 جىلدىڭ ماۋسىم ايىندا مەجٸلٸستٸڭ قاراۋىنا ەنگٸزٸلەدٸ. وسى ورايدا كەسٸپكەرلەر ۇسىنىستارى مەن قوعامدىق مٷددەنٸ ەسكەرە وتىرىپ, اتالعان زاڭ جوباسىن دەپۋتاتتاردىڭ جان-جاقتى قاراۋىن سۇرايمىن», - دەدٸ ق. توقاەۆ.
