QR Aqparat jáne qoǵamdyq damý ministri Aida Balaeva ekologiia salasynda biryńǵai portal qurý usynysyn qoldady, dep habarlaidy "Ult aqparat".
«Ekologiialyq bilim: qazaqstandyq qoǵamda ekologiialyq bilim berý, ekologiialyq mádenietke tárbieleý jáne qalyptastyrý» atty dóńgelek ústel otyrysynda ministr jańa ekologiialyq jobalardy engizý týraly usynystarǵa qoldaý bildirdi.
«Aqparattyq qoldaýǵa keletin bolsaq, barlyq ekologiialyq jobalardy, bastamalardy jáne jekelegen aktsiialardy biryńǵai portalǵa biriktirýdi, Aqparat ministrliginiń olardy aqparattyq agenttikterde nasihattaýy týraly usynysty qýana qabyldaimyn», - dedi ministr.
Onyń aitýynsha, Atyraý, Oral, Óskemen qalalaryndaǵy ekologiialyq jaǵdai boiynsha naqty biznes-usynymdar túsip jatyr.
«Memlekettik kompaniialar arasynda ekologiialylyqty engizý, halyqtyq baqylaý ornatý usynystary óte mańyzdy bolyp tabylady. Taǵy bir jaqsy ideia – ekologiialyq tárbieni nasihattaýǵa tanymal tulǵalardy, shoý-biznes juldyzdaryn tartý», - dep atap ótti A. Balaeva.
