قر اقپارات جەنە قوعامدىق دامۋ مينيسترٸ ايدا بالاەۆا ەكولوگييا سالاسىندا بٸرىڭعاي پورتال قۇرۋ ۇسىنىسىن قولدادى, دەپ حابارلايدى "ۇلت اقپارات".
«ەكولوگييالىق بٸلٸم: قازاقستاندىق قوعامدا ەكولوگييالىق بٸلٸم بەرۋ, ەكولوگييالىق مەدەنيەتكە تەربيەلەۋ جەنە قالىپتاستىرۋ» اتتى دٶڭگەلەك ٷستەل وتىرىسىندا مينيستر جاڭا ەكولوگييالىق جوبالاردى ەنگٸزۋ تۋرالى ۇسىنىستارعا قولداۋ بٸلدٸردٸ.
«اقپاراتتىق قولداۋعا كەلەتٸن بولساق, بارلىق ەكولوگييالىق جوبالاردى, باستامالاردى جەنە جەكەلەگەن اكتسييالاردى بٸرىڭعاي پورتالعا بٸرٸكتٸرۋدٸ, اقپارات مينيسترلٸگٸنٸڭ ولاردى اقپاراتتىق اگەنتتٸكتەردە ناسيحاتتاۋى تۋرالى ۇسىنىستى قۋانا قابىلدايمىن», - دەدٸ مينيستر.
ونىڭ ايتۋىنشا, اتىراۋ, ورال, ٶسكەمەن قالالارىنداعى ەكولوگييالىق جاعداي بويىنشا ناقتى بيزنەس-ۇسىنىمدار تٷسٸپ جاتىر.
«مەملەكەتتٸك كومپانييالار اراسىندا ەكولوگييالىلىقتى ەنگٸزۋ, حالىقتىق باقىلاۋ ورناتۋ ۇسىنىستارى ٶتە ماڭىزدى بولىپ تابىلادى. تاعى بٸر جاقسى يدەيا – ەكولوگييالىق تەربيەنٸ ناسيحاتتاۋعا تانىمال تۇلعالاردى, شوۋ-بيزنەس جۇلدىزدارىن تارتۋ», - دەپ اتاپ ٶتتٸ ا. بالاەۆا.
