Qazaqstanda balanyń turǵan ornyn anyqtaýǵa múmkindik beretin «Tap meni» júiesi iske qosylady. Bul týraly QR Ishki ister ministrliginiń resmi ókili Nurdildá Oraz aitty, dep habarlaidy "Ult aqparat".
«Biyl ministrlik tarapynan júzege asyrylatyn ilki jobalarǵa toqtalyp ótsem. Bul - balanyń júrgen jerin anyqaýǵa múmkindik beretin «Tap meni» balalardyń qaýipsizdik júiesi. Ol – Bluetooth jelisinde jumys isteitin trekerlerdi monitoringileitin mobildi qosymsha. Qosymsha ata-analardyń smartfonyna ornatylady. Al trekerdi balanyń kiimine nemese mektep sómkesine japsyryp qoiýǵa bolady», - dedi ol vedomstvonyń baspasóz qyzmeti alańynda ótken brifing barysynda.
Nurdildá Orazdyń atap ótýinshe, balamen bailanys joǵalǵan jaǵdaida ata-analary qosymshanyń treker shamshyraǵyn izdeý rejimin qosady.
«Sonymen qatar júie Jedel basqarý ortalyǵymen yqpaldastyrylǵan. Demek, balany izdeý týraly dabyl avtomatty túrde politsiiaǵa da túsedi», - dedi Nurdildá Oraz.
