قازاقستاندا بالانىڭ تۇرعان ورنىن انىقتاۋعا مٷمكٸندٸك بەرەتٸن «تاپ مەنٸ» جٷيەسٸ ٸسكە قوسىلادى. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز ايتتى, دەپ حابارلايدى "ۇلت اقپارات".
«بيىل مينيسترلٸك تاراپىنان جٷزەگە اسىرىلاتىن ٸلكٸ جوبالارعا توقتالىپ ٶتسەم. بۇل - بالانىڭ جٷرگەن جەرٸن انىقاۋعا مٷمكٸندٸك بەرەتٸن «تاپ مەنٸ» بالالاردىڭ قاۋٸپسٸزدٸك جٷيەسٸ. ول – Bluetooth جەلٸسٸندە جۇمىس ٸستەيتٸن ترەكەرلەردٸ مونيتورينگٸلەيتٸن موبيلدٸ قوسىمشا. قوسىمشا اتا-انالاردىڭ سمارتفونىنا ورناتىلادى. ال ترەكەردٸ بالانىڭ كيٸمٸنە نەمەسە مەكتەپ سٶمكەسٸنە جاپسىرىپ قويۋعا بولادى», - دەدٸ ول ۆەدومستۆونىڭ باسپاسٶز قىزمەتٸ الاڭىندا ٶتكەن بريفينگ بارىسىندا.
نۇردٸلدە ورازدىڭ اتاپ ٶتۋٸنشە, بالامەن بايلانىس جوعالعان جاعدايدا اتا-انالارى قوسىمشانىڭ ترەكەر شامشىراعىن ٸزدەۋ رەجيمٸن قوسادى.
«سونىمەن قاتار جٷيە جەدەل باسقارۋ ورتالىعىمەن ىقپالداستىرىلعان. دەمەك, بالانى ٸزدەۋ تۋرالى دابىل اۆتوماتتى تٷردە پوليتسيياعا دا تٷسەدٸ», - دەدٸ نۇردٸلدە وراز.
