Foto:gov.kz
Energetika ministrligi suiytylǵan munai gazyn bólshek saýdada ótkizýdiń shekti baǵalaryn bekitti, dep habarlaidy "Ult aqparat".
Jańa baǵa shegi 2024 jyldyń 1 qańtarynan bastap kúshine enedi. Aimaqtar boiynsha bekitilgen shekti baǵalar mynadai:
- Astana - 76 teńge;
- Almaty - 81 teńge;
- Shymkent - 64 teńge;
- Almaty oblysy, SQO - 81 teńge;
- Atyraý, Aqtóbe, Mańǵystaý oblystary - 54 teńge;
- Aqmola, Shyǵys Qazaqstan, Qostanai, Qaraǵandy oblystary - 76 teńge;
- Jambyl oblysy - 71 teńge;
- Batys Qazaqstan, Qyzylorda, Túrkistan oblystary - 64 teńge;
- Pavlodar oblysy - 74 teńge.
- Abai, Jetisý, Ulytaý oblystary - 76 teńge.
Ár oblystyń shalǵai aýdandary úshin (oblys ortalyqtarynan 200 shaqyrymnan astam) shekti baǵalar 5 teńgege joǵary bolady.
Buǵan deiin energetika ministrligi shekti baǵalardy anyqtaý qaǵidalaryna engizilgen ózgerister suiytylǵan munai gazynyń qazirgi kezeńdegi baǵasynyń ósýin bildirmeitinin habarlaǵan bolatyn. Bul rette shekti kóterme jáne bólshek saýda baǵalary suiytylǵan munai gazyn óndirý qunyn eskere otyryp engiziletin bolady. Sondai-aq, úsh jyl ishinde ár alty ai saiyn suiytylǵan gazdyń baǵasy 5 teńgege kóteriletini habarlandy. Birinshi ósim 2024 jyldyń birinshi toqsanynda bolady dep kútilip otyr.
