فوتو:gov.kz
ەنەرگەتيكا مينيسترلٸگٸ سۇيىتىلعان مۇناي گازىن بٶلشەك ساۋدادا ٶتكٸزۋدٸڭ شەكتٸ باعالارىن بەكٸتتٸ, دەپ حابارلايدى "ۇلت اقپارات".
جاڭا باعا شەگٸ 2024 جىلدىڭ 1 قاڭتارىنان باستاپ كٷشٸنە ەنەدٸ. ايماقتار بويىنشا بەكٸتٸلگەن شەكتٸ باعالار مىناداي:
- استانا - 76 تەڭگە;
- الماتى - 81 تەڭگە;
- شىمكەنت - 64 تەڭگە;
- الماتى وبلىسى, سقو - 81 تەڭگە;
- اتىراۋ, اقتٶبە, ماڭعىستاۋ وبلىستارى - 54 تەڭگە;
- اقمولا, شىعىس قازاقستان, قوستاناي, قاراعاندى وبلىستارى - 76 تەڭگە;
- جامبىل وبلىسى - 71 تەڭگە;
- باتىس قازاقستان, قىزىلوردا, تٷركٸستان وبلىستارى - 64 تەڭگە;
- پاۆلودار وبلىسى - 74 تەڭگە.
- اباي, جەتٸسۋ, ۇلىتاۋ وبلىستارى - 76 تەڭگە.
ەر وبلىستىڭ شالعاي اۋداندارى ٷشٸن (وبلىس ورتالىقتارىنان 200 شاقىرىمنان استام) شەكتٸ باعالار 5 تەڭگەگە جوعارى بولادى.
بۇعان دەيٸن ەنەرگەتيكا مينيسترلٸگٸ شەكتٸ باعالاردى انىقتاۋ قاعيدالارىنا ەنگٸزٸلگەن ٶزگەرٸستەر سۇيىتىلعان مۇناي گازىنىڭ قازٸرگٸ كەزەڭدەگٸ باعاسىنىڭ ٶسۋٸن بٸلدٸرمەيتٸنٸن حابارلاعان بولاتىن. بۇل رەتتە شەكتٸ كٶتەرمە جەنە بٶلشەك ساۋدا باعالارى سۇيىتىلعان مۇناي گازىن ٶندٸرۋ قۇنىن ەسكەرە وتىرىپ ەنگٸزٸلەتٸن بولادى. سونداي-اق, ٷش جىل ٸشٸندە ەر التى اي سايىن سۇيىتىلعان گازدىڭ باعاسى 5 تەڭگەگە كٶتەرٸلەتٸنٸ حابارلاندى. بٸرٸنشٸ ٶسٸم 2024 جىلدىڭ بٸرٸنشٸ توقسانىندا بولادى دەپ كٷتٸلٸپ وتىر.
