Búginnen bastap elimizde isten shyqqan aýyl sharýashylyǵy tehnikasyn qaita óńdeýge qabyldaýdyń pilottyq baǵdarlamasy iske qosyldy, dep habarlaidy "Ult aqparat".
«ÓKM operatory» baspasóz qyzmetineiń málimetinshe, baǵdarlama Qaraǵandy oblysyndaǵy eski kólikterdi qaita óńdeitin zaýyt alańynda resmi túrde bastaý aldy. Sharaǵa QR Investitsiialar jáne damý ministrligi, QR ekologiia, geologiia jáne tabiǵi resýrstar ministrligi ókilderi, ÓKM operatory basshylyǵy, Qazaqstandyq avtobiznes qaýymdastyǵy men buqaralyq aqparat quraldary ókilderi qatysty.
Tozyǵy jetken agrotehnikany qabyldaý Qazaqstannyń 10 óńirinde (Petropavl, Qostanai, Pavlodar, Kókshetaý, Qaraǵandy, Taldyqorǵan, Semei, Shymkent, Qyzylorda, Taraz) júzege asyrylady.
Aita ketý kerek pilottyq joba aiasynda kombaindar ázirge Petropavl, Qostanai, Pavlodar, Kókshetaý qalasynda qabyldanady. Traktorlar men kombain tapsyrǵandarǵa jeńildik sertifikaty beriledi. Jeńildik sertifikatynyń quny aýylsharýashylyǵy tehnikasynyń túri men jintyǵyna bailanysty 560 myń teńgeden 2 million teńgege deiin baǵalanady.
Baǵdarlamanyń bastaýyn Aqmola oblysyndaǵy «Rodina» agrofirmasy ashty. Atalǵan sharýa qojalyǵy Qaraǵandydaǵy qabyldaý beketine tozyǵy jetken T402 úlgisindegi shynjyr tabandy 6 traktor ákelip tapsyrdy.
«Tolyq jiyntyqtaǵy tehnikanyń árqaisysy million teńgege baǵalandy.
Jeńildik sertifikatyn Qazaqstanda qurastyrylǵan sý jańa aýyl sharýashylyǵy tehnikasyn nemese elimizde shyǵarylǵan avtokólik quralyn satyp alatyn kezde paidalanýǵa bolady. Sonymen qatar eki sertifikatty biriktirýge jáne sertifikatty basqa adamnyń atyna tirkeýge (2 retten artyq emes) múmkindik bar. Sertifikat tirkelgen sátten bastap onyń qoldanylý merzimi-12 ai», delingen habarlamada.
Kompaniianyń málimdeýinshe, aýyl sharýashylyǵy tehnikasyn qabyldaýdyń pilottyq baǵdarlamasy aiasynda jyl sońyna deiin 100 traktor men 20 kombain qabyldaý josparlanyp otyr.
«Tozyǵy jetken agrarlyq tehnikany qaita óńdeýge tapsyrý, elimizdegi 80%-ǵa eskirgen aýyl sharýashylyǵy tehnikasyn jańartýǵa múmkindik beredi. Sonymen qatar ekologiialyq taza kólik quraldaryn óndirýdi yntalandyrady jáne qaita óńdeýdiń tolyqqandy júiesin qurýǵa yqpal etedi», deligen habarlamada.
Kombain (zaýyttan shyqqandaǵy massasynan 50%-dan joǵary) - 2 000 000 teńge (tolyq jiyntyq), 50%-dan kem bolsa 1 500 000 teńge (tolyq emes jiyntyq), traktor - 1 000 000 teńge (tolyq jiyntyq), 560 000 tenge (tolyq emes jiyntyq).
