Premer-ministrdiń birinshi orynbasary Roman Skliar Qazaqstandaǵy aýyldardyń damýy týraly aityp, "Aýyl – el besigi" baǵdarlamasyna jumsalǵan qarajat týraly aitty, - dep habarlaidy Tengrinews.kz.
Qazaqstanda 6293 aýyldyq eldi meken bar. Onda 8 millionǵa jýyq adam turady. Bul halqymyzdyń - 41 paiyzy.
"2019 jyldan beri elimizde "Aýyl - el besigi" jobasy júzege asyrylyp jatyr. Onyń maqsaty - áleýeti bar 3,5 myń aýyldyń infraqurylymyn damytý. 2019-2021 jyldary bul jobaǵa 200 milliard teńge bólindi. 665 aýylda qajetti infraqurylym jasalǵan.
Aýyldyń jaǵdaiyn jaqsartýǵa jeke investorlar da óz úlesin qosyp jatyr. 2019 jyldan beri 57 milliard teńge investitsiia salyp, 2 myńǵa jýyq jobany júzege asyrdyq", - dedi Skliar Senat otyrysynda.
Onyń aitýynsha, biyl 576 aýyldyń turmysyn jaqsartý jobasyna 128 milliard teńge bólingen. Onyń 91 milliony turǵyn úi-kommýnaldyq sharýashylyqqa, 454 milliony áleýmettik infraqurylymǵa, 511 milliony kólik infraqurylymyna jumsalǵan.
Kelesi jyly bul maqsattarǵa 663 eldi mekenge 140 milliard teńge bólinetini aityldy.
