پرەمەر-مينيستردٸڭ بٸرٸنشٸ ورىنباسارى رومان سكليار قازاقستانداعى اۋىلداردىڭ دامۋى تۋرالى ايتىپ, "اۋىل – ەل بەسٸگٸ" باعدارلاماسىنا جۇمسالعان قاراجات تۋرالى ايتتى, - دەپ حابارلايدى Tengrinews.kz.
قازاقستاندا 6293 اۋىلدىق ەلدٸ مەكەن بار. وندا 8 ميلليونعا جۋىق ادام تۇرادى. بۇل حالقىمىزدىڭ - 41 پايىزى.
"2019 جىلدان بەرٸ ەلٸمٸزدە "اۋىل - ەل بەسٸگٸ" جوباسى جٷزەگە اسىرىلىپ جاتىر. ونىڭ ماقساتى - ەلەۋەتٸ بار 3,5 مىڭ اۋىلدىڭ ينفراقۇرىلىمىن دامىتۋ. 2019-2021 جىلدارى بۇل جوباعا 200 ميلليارد تەڭگە بٶلٸندٸ. 665 اۋىلدا قاجەتتٸ ينفراقۇرىلىم جاسالعان.
اۋىلدىڭ جاعدايىن جاقسارتۋعا جەكە ينۆەستورلار دا ٶز ٷلەسٸن قوسىپ جاتىر. 2019 جىلدان بەرٸ 57 ميلليارد تەڭگە ينۆەستيتسييا سالىپ, 2 مىڭعا جۋىق جوبانى جٷزەگە اسىردىق", - دەدٸ سكليار سەنات وتىرىسىندا.
ونىڭ ايتۋىنشا, بيىل 576 اۋىلدىڭ تۇرمىسىن جاقسارتۋ جوباسىنا 128 ميلليارد تەڭگە بٶلٸنگەن. ونىڭ 91 ميلليونى تۇرعىن ٷي-كوممۋنالدىق شارۋاشىلىققا, 454 ميلليونى ەلەۋمەتتٸك ينفراقۇرىلىمعا, 511 ميلليونى كٶلٸك ينفراقۇرىلىمىنا جۇمسالعان.
كەلەسٸ جىلى بۇل ماقساتتارعا 663 ەلدٸ مەكەنگە 140 ميلليارد تەڭگە بٶلٸنەتٸنٸ ايتىلدى.
