Foto: QMA baspasóz qyzmeti
Qarjy monitoringi agenttigi qabyldaǵan sharalardyń nátijesinde tiimsiz jobalar boiynsha 5,1 mlrd teńgege qarjylandyrýǵa jol berilmedi, - dep habarlaidy QMA baspasóz qyzmeti.
Vedomstvo málimetinshe, Qyzylordada Syrdariia ózeniniń arnasyn tazartýǵa 5 mlrd teńge qarastyrylǵan. Alaida, jobanyń sapasyz josparlanýyna bailanysty, tazalaý jumystarynan keiin qatty aǵyn men jeldiń áserinen ózen arnasy qaitadan lastanyp, tolyp qalǵan.
"QMA óńirlik Departamentiniń qyzmetkerleri qabyldaǵan sharalardan keiin ákimdik 3,7 mlrd teńge kóleminde igerilmegen qarajatty basqa áleýmettik maqsattarǵa baǵyttady.
Sondai-aq, Kókshetaý qalasynyń Stantsionnyi kentinde 1,4 mlrd teńgege 160 oryndyq mádeniet úiin salý josparlanǵan bolatyn. Jobanyń bastapqy quny 910 mln teńgeni quraǵan, al basqa eldi mekenderde osyǵan uqsas obektilerdiń quny aitarlyqtai tómen bolǵan.
Osyǵan bailanysty Kókshetaý qalasynyń ákimdigi shartty buzý boiynsha jumys júrgizip jatyr. Únemdelgen qarajat esebinen basqa da áleýmettik mańyzy bar jobalar qarjylandyrylady" - delingen habarlamada.
Qarjylyq monitoring agenttigi iri obektiler men infraqurylym qurylysynyń qunyn arttyrý faktilerine monitoring júrgizý boiynsha belsendi jumysty jalǵastyratynyn jetkizdi.
