فوتو: قما باسپاسٶز قىزمەتٸ
قارجى مونيتورينگٸ اگەنتتٸگٸ قابىلداعان شارالاردىڭ نەتيجەسٸندە تيٸمسٸز جوبالار بويىنشا 5,1 ملرد تەڭگەگە قارجىلاندىرۋعا جول بەرٸلمەدٸ, - دەپ حابارلايدى قما باسپاسٶز قىزمەتٸ.
ۆەدومستۆو مەلٸمەتٸنشە, قىزىلوردادا سىردارييا ٶزەنٸنٸڭ ارناسىن تازارتۋعا 5 ملرد تەڭگە قاراستىرىلعان. الايدا, جوبانىڭ ساپاسىز جوسپارلانۋىنا بايلانىستى, تازالاۋ جۇمىستارىنان كەيٸن قاتتى اعىن مەن جەلدٸڭ ەسەرٸنەن ٶزەن ارناسى قايتادان لاستانىپ, تولىپ قالعان.
"قما ٶڭٸرلٸك دەپارتامەنتٸنٸڭ قىزمەتكەرلەرٸ قابىلداعان شارالاردان كەيٸن ەكٸمدٸك 3,7 ملرد تەڭگە كٶلەمٸندە يگەرٸلمەگەن قاراجاتتى باسقا ەلەۋمەتتٸك ماقساتتارعا باعىتتادى.
سونداي-اق, كٶكشەتاۋ قالاسىنىڭ ستانتسيوننىي كەنتٸندە 1,4 ملرد تەڭگەگە 160 ورىندىق مەدەنيەت ٷيٸن سالۋ جوسپارلانعان بولاتىن. جوبانىڭ باستاپقى قۇنى 910 ملن تەڭگەنٸ قۇراعان, ال باسقا ەلدٸ مەكەندەردە وسىعان ۇقساس وبەكتٸلەردٸڭ قۇنى ايتارلىقتاي تٶمەن بولعان.
وسىعان بايلانىستى كٶكشەتاۋ قالاسىنىڭ ەكٸمدٸگٸ شارتتى بۇزۋ بويىنشا جۇمىس جٷرگٸزٸپ جاتىر. ٷنەمدەلگەن قاراجات ەسەبٸنەن باسقا دا ەلەۋمەتتٸك ماڭىزى بار جوبالار قارجىلاندىرىلادى" - دەلٸنگەن حابارلامادا.
قارجىلىق مونيتورينگ اگەنتتٸگٸ ٸرٸ وبەكتٸلەر مەن ينفراقۇرىلىم قۇرىلىسىنىڭ قۇنىن ارتتىرۋ فاكتٸلەرٸنە مونيتورينگ جٷرگٸزۋ بويىنشا بەلسەندٸ جۇمىستى جالعاستىراتىنىن جەتكٸزدٸ.
