Qazgidromet kúnniń kúrt sýytýyna bailanysty eskertý jariialady, dep habarlaidy "Ult aqparat" "Qazgidromet" RMK ókilderine silteme jasap.
«Qazaqstan aýmaǵynan Arktikalyq antitsiklondardyń ótýine bailanysty birqatar oblystarda qatty aiaz kútilýde. Osyǵan bailanysty elimizde eskertý jariialandy. 22-26 qańtar aralyǵynda Aqmola, Soltústik Qazaqstan, Pavlodar, Qaraǵandy, Shyǵys Qazaqstan oblystarynda túnde -35-40 gradýstyq qatty aiaz kútilýde. 24-26 qańtar kúnderi kei jerlerde -45 gradýs, kúndiz -27-32, kei jerlerde -35 gradýs qatty aiaz bolady», - delingen sinoptikterdiń habarlamasynda.
Qazgidromettiń aqparaty boiynsha, 22-26 qańtar aralyǵynda Qostanai oblysynda túnde -33-38, kúndiz -20-25 gradýs qatty aiaz bolýy yqtimal.
Astanada 23-26 qańtarda túnde -35-40, kúndiz -27-32 gradýstyq qatty aiaz bolýy múmkin.
