قازگيدرومەت كٷننٸڭ كٷرت سۋىتۋىنا بايلانىستى ەسكەرتۋ جارييالادى, دەپ حابارلايدى "ۇلت اقپارات" "قازگيدرومەت" رمك ٶكٸلدەرٸنە سٸلتەمە جاساپ.
«قازاقستان اۋماعىنان اركتيكالىق انتيتسيكلونداردىڭ ٶتۋٸنە بايلانىستى بٸرقاتار وبلىستاردا قاتتى اياز كٷتٸلۋدە. وسىعان بايلانىستى ەلٸمٸزدە ەسكەرتۋ جارييالاندى. 22-26 قاڭتار ارالىعىندا اقمولا, سولتٷستٸك قازاقستان, پاۆلودار, قاراعاندى, شىعىس قازاقستان وبلىستارىندا تٷندە -35-40 گرادۋستىق قاتتى اياز كٷتٸلۋدە. 24-26 قاڭتار كٷندەرٸ كەي جەرلەردە -45 گرادۋس, كٷندٸز -27-32, كەي جەرلەردە -35 گرادۋس قاتتى اياز بولادى», - دەلٸنگەن سينوپتيكتەردٸڭ حابارلاماسىندا.
قازگيدرومەتتٸڭ اقپاراتى بويىنشا, 22-26 قاڭتار ارالىعىندا قوستاناي وبلىسىندا تٷندە -33-38, كٷندٸز -20-25 گرادۋس قاتتى اياز بولۋى ىقتيمال.
استانادا 23-26 قاڭتاردا تٷندە -35-40, كٷندٸز -27-32 گرادۋستىق قاتتى اياز بولۋى مٷمكٸن.
