Qazaqstan densaýlyq saqtaý ministrligi 24 sáýir keshki saǵat 18.25-te Qazaqstanda taǵy 42 adamnan koronavirýs tabylǵanyn habarlady. Almaty qalasynda - 23, Pavlodar oblysynda - 4, Almaty oblysynda - 3, Aqmola oblysynda - 3, Nur-Sultan qalasynda - 5, Batys Qazaqstan oblysynda - 1, Jambyl oblysynda 3 adamǵa virýs juqqan.
Osylaisha Qazaqstanda virýs juqtyrǵandar 2376 adam boldy. 602 adam COVID-19 aýrýynan jazylǵan. Barlyǵy 25 adam qaitys bolǵan.
24 sáýirde Qazaqstanda bes adamnyń koronavirýstan qaitys bolǵany belgili boldy. Olardyń bireýi - Mańǵystaý oblysynda áskeri bólimderdiń birinde qyzmet etken 1980 jyly týǵan áskeri qyzmetker. Ol tótenshe jaǵdai kezinde Aqtaý kóshelerin zalalsyzdandyrýǵa atsalysqan.
Virýs tabylǵan 2376 adam myna aimaqtarda:
- Almaty qalasy – 787
- Nur-Sultan qalasy – 438
- Qyzylorda oblysy – 161
- Shymkent qalasy – 139
- Qaraǵandy oblysy – 108
- Jambyl oblysy – 101
- Batys Qazaqstan oblysy – 93
- Aqmola oblysy – 88
- Atyraý oblysy – 84
- Túrkistan oblysy – 81
- Almaty oblysy – 72
- Pavlodar oblysy – 66
- Aqtóbe oblysy – 55
- Qostanai oblysy – 38
- Soltústik Qazaqstan oblysy – 30
- Mańǵystaý oblysy – 20
- Shyǵys Qazaqstan oblysy – 15
Qazaqstan densaýlyq saqtaý ministrligi elde sáýirdiń sońyna deiin 2700 adamǵa, mamyrdyń sońyna deiin 4000 adamǵa virýs juǵady dep boljaǵan.
Elde koronavirýsqa bailanysty 1 mamyrǵa deiin tótenshe jaǵdai jariialanǵan. Qazaqstannyń biraz aimaǵy karantinde.
