قازاقستان دەنساۋلىق ساقتاۋ مينيسترلٸگٸ 24 سەۋٸر كەشكٸ ساعات 18.25-تە قازاقستاندا تاعى 42 ادامنان كوروناۆيرۋس تابىلعانىن حابارلادى. الماتى قالاسىندا - 23, پاۆلودار وبلىسىندا - 4, الماتى وبلىسىندا - 3, اقمولا وبلىسىندا - 3, نۇر-سۇلتان قالاسىندا - 5, باتىس قازاقستان وبلىسىندا - 1, جامبىل وبلىسىندا 3 ادامعا ۆيرۋس جۇققان.
وسىلايشا قازاقستاندا ۆيرۋس جۇقتىرعاندار 2376 ادام بولدى. 602 ادام COVID-19 اۋرۋىنان جازىلعان. بارلىعى 25 ادام قايتىس بولعان.
24 سەۋٸردە قازاقستاندا بەس ادامنىڭ كوروناۆيرۋستان قايتىس بولعانى بەلگٸلٸ بولدى. ولاردىڭ بٸرەۋٸ - ماڭعىستاۋ وبلىسىندا ەسكەري بٶلٸمدەردٸڭ بٸرٸندە قىزمەت ەتكەن 1980 جىلى تۋعان ەسكەري قىزمەتكەر. ول تٶتەنشە جاعداي كەزٸندە اقتاۋ كٶشەلەرٸن زالالسىزداندىرۋعا اتسالىسقان.
ۆيرۋس تابىلعان 2376 ادام مىنا ايماقتاردا:
- الماتى قالاسى – 787
- نۇر-سۇلتان قالاسى – 438
- قىزىلوردا وبلىسى – 161
- شىمكەنت قالاسى – 139
- قاراعاندى وبلىسى – 108
- جامبىل وبلىسى – 101
- باتىس قازاقستان وبلىسى – 93
- اقمولا وبلىسى – 88
- اتىراۋ وبلىسى – 84
- تٷركٸستان وبلىسى – 81
- الماتى وبلىسى – 72
- پاۆلودار وبلىسى – 66
- اقتٶبە وبلىسى – 55
- قوستاناي وبلىسى – 38
- سولتٷستٸك قازاقستان وبلىسى – 30
- ماڭعىستاۋ وبلىسى – 20
- شىعىس قازاقستان وبلىسى – 15
قازاقستان دەنساۋلىق ساقتاۋ مينيسترلٸگٸ ەلدە سەۋٸردٸڭ سوڭىنا دەيٸن 2700 ادامعا, مامىردىڭ سوڭىنا دەيٸن 4000 ادامعا ۆيرۋس جۇعادى دەپ بولجاعان.
ەلدە كوروناۆيرۋسقا بايلانىستى 1 مامىرعا دەيٸن تٶتەنشە جاعداي جارييالانعان. قازاقستاننىڭ بٸراز ايماعى كارانتيندە.
