Foto: Gov.kz
Qazaqstanda jasandy intellekt engiziledi jáne densaýlyq saqtaý júiesin tsifrlyq transformatsiialaý sheńberinde elektrondyq densaýlyq pasporttaryn jasaidy. Joba týraly Úkimet otyrysynda densaýlyq saqtaý ministri Aqmaral Álnazarova aityp berdi, dep habarlaidy Ult.kz.
Onyń aitýynsha, transformatsiianyń negizgi elementi osy jyldyń jeltoqsan aiyna josparlanǵan meditsinalyq derekterdiń biryńǵai saqtaý qoimasy bolady. Onyń negizinde 2026 jyly azamattar ózderiniń elektrondyq densaýlyq pasporttaryna tolyqqandy qol jetkize alady.
Jasandy intellekt tehnologiialary qazirdiń ózinde otandyq klinikalarda insýlt, ókpe, sút bezi obyry jáne pnevmoniiany anyqtaý úshin KT, MRT jáne rentgen sýretterin taldaý kezinde belsendi qoldanylady. Birqatar meditsinalyq uiymda dárigerlerge tekserý nátijelerin jyldam taldaýǵa kómektesetin JI-kómekshiler jumys istei bastady.
«Jasandy intellekt dárigerdi almastyrmaitynyn, kerisinshe onyń múmkindikterin kúsheitetinin, meditsinany barlyq azamattar úshin zamanaýi ári qoljetimdi etetinin atap ótken jón», — dedi ministr.
Qazirdiń ózinde tsifrlandyrýdyń aitarlyqtai nátijesi kórine bastady. Aqparattyq júielerdiń integratsiiasy meditsina qyzmetkerlerine júktemeni 40%-ǵa deiin tómendetýge múmkindik berdi. Patsientterdi tsifrlyq sáikestendirý keńeitilip, onyń nátijesinde 8 ai ishinde meditsinalyq qyzmetterdi artyq tutyný kórsetkishi 6,7 mlrd teńgege tómendedi, al iske qosylǵan biryńǵai tólem júiesi aqaýlardy anyqtaý dáldigin 4 esege arttyrdy.
