فوتو: Gov.kz
قازاقستاندا جاساندى ينتەللەكت ەنگٸزٸلەدٸ جەنە دەنساۋلىق ساقتاۋ جٷيەسٸن تسيفرلىق ترانسفورماتسييالاۋ شەڭبەرٸندە ەلەكتروندىق دەنساۋلىق پاسپورتتارىن جاسايدى. جوبا تۋرالى ٷكٸمەت وتىرىسىندا دەنساۋلىق ساقتاۋ مينيسترٸ اقمارال ەلنازاروۆا ايتىپ بەردٸ, دەپ حابارلايدى Ult.kz.
ونىڭ ايتۋىنشا, ترانسفورماتسييانىڭ نەگٸزگٸ ەلەمەنتٸ وسى جىلدىڭ جەلتوقسان ايىنا جوسپارلانعان مەديتسينالىق دەرەكتەردٸڭ بٸرىڭعاي ساقتاۋ قويماسى بولادى. ونىڭ نەگٸزٸندە 2026 جىلى ازاماتتار ٶزدەرٸنٸڭ ەلەكتروندىق دەنساۋلىق پاسپورتتارىنا تولىققاندى قول جەتكٸزە الادى.
جاساندى ينتەللەكت تەحنولوگييالارى قازٸردٸڭ ٶزٸندە وتاندىق كلينيكالاردا ينسۋلت, ٶكپە, سٷت بەزٸ وبىرى جەنە پنەۆمونييانى انىقتاۋ ٷشٸن كت, مرت جەنە رەنتگەن سۋرەتتەرٸن تالداۋ كەزٸندە بەلسەندٸ قولدانىلادى. بٸرقاتار مەديتسينالىق ۇيىمدا دەرٸگەرلەرگە تەكسەرۋ نەتيجەلەرٸن جىلدام تالداۋعا كٶمەكتەسەتٸن جي-كٶمەكشٸلەر جۇمىس ٸستەي باستادى.
«جاساندى ينتەللەكت دەرٸگەردٸ الماستىرمايتىنىن, كەرٸسٸنشە ونىڭ مٷمكٸندٸكتەرٸن كٷشەيتەتٸنٸن, مەديتسينانى بارلىق ازاماتتار ٷشٸن زاماناۋي ەرٸ قولجەتٸمدٸ ەتەتٸنٸن اتاپ ٶتكەن جٶن», — دەدٸ مينيستر.
قازٸردٸڭ ٶزٸندە تسيفرلاندىرۋدىڭ ايتارلىقتاي نەتيجەسٸ كٶرٸنە باستادى. اقپاراتتىق جٷيەلەردٸڭ ينتەگراتسيياسى مەديتسينا قىزمەتكەرلەرٸنە جٷكتەمەنٸ 40%-عا دەيٸن تٶمەندەتۋگە مٷمكٸندٸك بەردٸ. پاتسيەنتتەردٸ تسيفرلىق سەيكەستەندٸرۋ كەڭەيتٸلٸپ, ونىڭ نەتيجەسٸندە 8 اي ٸشٸندە مەديتسينالىق قىزمەتتەردٸ ارتىق تۇتىنۋ كٶرسەتكٸشٸ 6,7 ملرد تەڭگەگە تٶمەندەدٸ, ال ٸسكە قوسىلعان بٸرىڭعاي تٶلەم جٷيەسٸ اقاۋلاردى انىقتاۋ دەلدٸگٸن 4 ەسەگە ارتتىردى.
