Qazaqstan Japoniiaǵa jylqy etin eksporttaidy. Bul týraly búgin Úkimet otyrysynda QR Aýyl sharýashylyǵy ministri Saparhan Omarov aitty, dep habarlaidy QazAqparat.
«Ótken jyly Qytai Halyq Respýblikasymen shoshqa etine, sút ónimderine, júnge arnalǵan veterinarlyq talaptar, zyǵyr tuqymyna, bidai unyna jáne quramajemge qoiylatyn fitosanitarlyq talaptar kelisildi. Birneshe jyl buryn Qytai Halyq Respýblikasy engizgen aýsyl jáne nodýliarlyq dermatit boiynsha shekteýler alynyp tastaldy. Bul óz kezeginde qazaqstandyq et ónimderi úshin QHR naryǵyna jol ashty», - dedi ministr.
Sondai-aq ol Qazaqstannan Iranǵa soiýǵa arnalǵan tiri iri qara maldy, siyr etin, usaq maldyń sýbónimderin, taǵamdyq jumyrtqany eksporttaýǵa qoiylatyn veterinarlyq talaptar kelisilgenin aitty.
«Japoniiaǵa jylqy etin eksporttaýǵa arnalǵan veterinarlyq sertifikat kelisildi. Bul otandyq ónimdi úshinshi elge eksporttaýǵa múmkindik beredi. Nátijesinde ótken jyldyń qorytyndysy boiynsha Qazaqstannan shyǵarylatyn AÓK eksporty Qytaiǵa - 50,5 paiyzǵa, Parsy shyǵanaǵy elderine - 3,2 ese, Ortalyq Aziia elderine - 7,4 paiyzǵa, EAEO elderine 8,2 paiyzǵa ulǵaidy. Jalpy AÓK eksporty ótken jyldyń qorytyndysy boiynsha 6,4 paiyzǵa ósip, 3,3 mlrd AQSh dollaryn qurady», -dedi Saparhan Omarov.
