قازاقستان جاپونيياعا جىلقى ەتٸن ەكسپورتتايدى. بۇل تۋرالى بٷگٸن ٷكٸمەت وتىرىسىندا قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى قازاقپارات.
«ٶتكەن جىلى قىتاي حالىق رەسپۋبليكاسىمەن شوشقا ەتٸنە, سٷت ٶنٸمدەرٸنە, جٷنگە ارنالعان ۆەتەرينارلىق تالاپتار, زىعىر تۇقىمىنا, بيداي ۇنىنا جەنە قۇراماجەمگە قويىلاتىن فيتوسانيتارلىق تالاپتار كەلٸسٸلدٸ. بٸرنەشە جىل بۇرىن قىتاي حالىق رەسپۋبليكاسى ەنگٸزگەن اۋسىل جەنە نودۋليارلىق دەرماتيت بويىنشا شەكتەۋلەر الىنىپ تاستالدى. بۇل ٶز كەزەگٸندە قازاقستاندىق ەت ٶنٸمدەرٸ ٷشٸن قحر نارىعىنا جول اشتى», - دەدٸ مينيستر.
سونداي-اق ول قازاقستاننان يرانعا سويۋعا ارنالعان تٸرٸ ٸرٸ قارا مالدى, سيىر ەتٸن, ۇساق مالدىڭ سۋبٶنٸمدەرٸن, تاعامدىق جۇمىرتقانى ەكسپورتتاۋعا قويىلاتىن ۆەتەرينارلىق تالاپتار كەلٸسٸلگەنٸن ايتتى.
«جاپونيياعا جىلقى ەتٸن ەكسپورتتاۋعا ارنالعان ۆەتەرينارلىق سەرتيفيكات كەلٸسٸلدٸ. بۇل وتاندىق ٶنٸمدٸ ٷشٸنشٸ ەلگە ەكسپورتتاۋعا مٷمكٸندٸك بەرەدٸ. نەتيجەسٸندە ٶتكەن جىلدىڭ قورىتىندىسى بويىنشا قازاقستاننان شىعارىلاتىن اٶك ەكسپورتى قىتايعا - 50,5 پايىزعا, پارسى شىعاناعى ەلدەرٸنە - 3,2 ەسە, ورتالىق ازييا ەلدەرٸنە - 7,4 پايىزعا, ەاەو ەلدەرٸنە 8,2 پايىزعا ۇلعايدى. جالپى اٶك ەكسپورتى ٶتكەن جىلدىڭ قورىتىندىسى بويىنشا 6,4 پايىزعا ٶسٸپ, 3,3 ملرد اقش دوللارىن قۇرادى», -دەدٸ ساپارحان وماروۆ.
