Almaty qalasynda Qazaqstan Respýblikasynyń Tótenshe jaǵdailar ministri Iýrii Ilinniń tóraǵalyǵymen Tótenshe jaǵdailardy jáne zilzalalardyń qaýip-qaterin azaitý ortalyǵynyń toǵyzynshy keńes otyrysy ótti, dep habarlaidy "Ult aqparat" QR TJM baspasóz qyzmetine silteme jasap.
Keńes otyrysyna Qyrǵyzstan Respýblikasynyń Tótenshe jaǵdailar ministri Boobek Ajikeev jáne Aýǵanystan Islam Respýblikasy Elshiliginiń ýaqytsha senimdi ókili Azizýlla Omar qatysty. Bul týraly QR TJM resmi ókili Talǵat Ýáli habarlady.
Ekijaqty kezdesý aiasynda Qazaqstan jáne Qyrǵyzstan tótenshe jaǵdailar ministrlikteriniń basshylary azamattyq qorǵaý salasyndaǵy yntymaqtastyqty nyǵaitý máselelerin talqylady.
Kezdesý barysynda Aýǵanystan tarapy da ortalyqqa tolyq quqyly múshe retinde kirýge ázirligin kezekti ret rastady.
Otyrysta azamattyq qorǵaý salasyndaǵy jobalardy halyqaralyq uiymdarmen birlesip iske asyrý barysy da sóz boldy.
Keńes músheleri ortalyq qatysýshylarynyń quramyn odan ári keńeitýdi, onyń áleýetin tiimdi qoldanýdy jáne tótenshe jaǵdailarǵa jedel áreket etý ázirligin kúsheitýdi usyndy.
Otyrys qorytyndysy boiynsha ortalyq keńesiniń ortaq sheshimine qol qoiyldy.
Keiin eki eldiń tótenshe jaǵdailar ministrleri Almaty qalasy TJD ahýaldyq ortalyǵynyń jumysymen tanysty. Onda birqatar innovatsiialyq tsifrlyq jobalardyń derekqory ornalasqan. Atap aitqanda, onlain rejimdegi selden qorǵaý monitoringtik júiesi men qala boiynsha órt oshaqtaryn anyqtaityn beinebaqylaý kameralaryn kórdi.
Sonymen qatar, jer silkinisin aldyn ala eskertý men baqylaý júielerin integratsiialandyrý qajettigin atap ótti.
