الماتى قالاسىندا قازاقستان رەسپۋبليكاسىنىڭ تٶتەنشە جاعدايلار مينيسترٸ يۋريي يليننٸڭ تٶراعالىعىمەن تٶتەنشە جاعدايلاردى جەنە زٸلزالالاردىڭ قاۋٸپ-قاتەرٸن ازايتۋ ورتالىعىنىڭ توعىزىنشى كەڭەس وتىرىسى ٶتتٸ, دەپ حابارلايدى "ۇلت اقپارات" قر تجم باسپاسٶز قىزمەتٸنە سٸلتەمە جاساپ.
كەڭەس وتىرىسىنا قىرعىزستان رەسپۋبليكاسىنىڭ تٶتەنشە جاعدايلار مينيسترٸ بووبەك اجيكەەۆ جەنە اۋعانىستان يسلام رەسپۋبليكاسى ەلشٸلٸگٸنٸڭ ۋاقىتشا سەنٸمدٸ ٶكٸلٸ ازيزۋللا ومار قاتىستى. بۇل تۋرالى قر تجم رەسمي ٶكٸلٸ تالعات ۋەلي حابارلادى.
ەكٸجاقتى كەزدەسۋ اياسىندا قازاقستان جەنە قىرعىزستان تٶتەنشە جاعدايلار مينيسترلٸكتەرٸنٸڭ باسشىلارى ازاماتتىق قورعاۋ سالاسىنداعى ىنتىماقتاستىقتى نىعايتۋ مەسەلەلەرٸن تالقىلادى.
كەزدەسۋ بارىسىندا اۋعانىستان تاراپى دا ورتالىققا تولىق قۇقىلى مٷشە رەتٸندە كٸرۋگە ەزٸرلٸگٸن كەزەكتٸ رەت راستادى.
وتىرىستا ازاماتتىق قورعاۋ سالاسىنداعى جوبالاردى حالىقارالىق ۇيىمدارمەن بٸرلەسٸپ ٸسكە اسىرۋ بارىسى دا سٶز بولدى.
كەڭەس مٷشەلەرٸ ورتالىق قاتىسۋشىلارىنىڭ قۇرامىن ودان ەرٸ كەڭەيتۋدٸ, ونىڭ ەلەۋەتٸن تيٸمدٸ قولدانۋدى جەنە تٶتەنشە جاعدايلارعا جەدەل ەرەكەت ەتۋ ەزٸرلٸگٸن كٷشەيتۋدٸ ۇسىندى.
وتىرىس قورىتىندىسى بويىنشا ورتالىق كەڭەسٸنٸڭ ورتاق شەشٸمٸنە قول قويىلدى.
كەيٸن ەكٸ ەلدٸڭ تٶتەنشە جاعدايلار مينيسترلەرٸ الماتى قالاسى تجد احۋالدىق ورتالىعىنىڭ جۇمىسىمەن تانىستى. وندا بٸرقاتار يننوۆاتسييالىق تسيفرلىق جوبالاردىڭ دەرەكقورى ورنالاسقان. اتاپ ايتقاندا, ونلاين رەجيمدەگٸ سەلدەن قورعاۋ مونيتورينگتٸك جٷيەسٸ مەن قالا بويىنشا ٶرت وشاقتارىن انىقتايتىن بەينەباقىلاۋ كامەرالارىن كٶردٸ.
سونىمەن قاتار, جەر سٸلكٸنٸسٸن الدىن الا ەسكەرتۋ مەن باقىلاۋ جٷيەلەرٸن ينتەگراتسييالاندىرۋ قاجەتتٸگٸن اتاپ ٶتتٸ.
