2021 jyly Qazaqstan men Ýkraina arasyndaǵy taýar ainalymy 1 mlrd dollarǵa jetti. Bul jaiynda QR Saýda jáne integratsiia ministrliginen málim etti, dep habarlaidy QazAqparat.
«Qazaqstan men Ýkraina arasyndaǵy taýar ainalymy ótken jyly 1 mlrd AQSh dollaryn qurady. Bul ótken jyldyń dál osyndai kezeńimen salystyrǵanda 30,8 paiyzǵa (0,8 mlrd AQSh dollary) joǵary. Máselen, Qazaqstannan Ýkrainaǵa eksport 2021 jyly 35,5 paiyzǵa ósip, 575,2 mln AQSh dollaryna jetti», - dep atap ótedi ministrlikten.
Vedomstvo málimetinshe, Qazaqstan eksportynyń negizgi taýarlaryna tabiǵi gaz, tas kómir, aralas mineraldyq tyńaitqyshtar, azot tyńaitqyshtary, óńdelmegen myrysh, ferroqorytpalar, óńdelgen dándi daqyldar dánderi, qospalanbaǵan bolattan jasalǵan jalatylǵan jazyq ilek, kúkirt, insektitsidter, gerbitsidter kiredi.
Ýkrainadan Qazaqstanǵa da import ósti. 2021 jyly import 25,4 paiyzǵa artyp, 451,4 mln AQSh dollaryna jetti.
Ýkraina importynyń negizgi ónimderi qatarynda ýyt syǵyndysy, unnan jasalǵan tamaq ónimderi, jarma, krahmal, dári-dármekter, úi qus eti, konditerlik ónimder, topyraqty daiyndaýǵa jáne óńdeýge arnalǵan aýyl sharýashylyq mashinalary, shokolad, irimshik jáne súzbe, tusqaǵazdar jáne basqa da qabyrǵa jabyndary bar.
