2021 جىلى قازاقستان مەن ۋكراينا اراسىنداعى تاۋار اينالىمى 1 ملرد دوللارعا جەتتٸ. بۇل جايىندا قر ساۋدا جەنە ينتەگراتسييا مينيسترلٸگٸنەن مەلٸم ەتتٸ, دەپ حابارلايدى قازاقپارات.
«قازاقستان مەن ۋكراينا اراسىنداعى تاۋار اينالىمى ٶتكەن جىلى 1 ملرد اقش دوللارىن قۇرادى. بۇل ٶتكەن جىلدىڭ دەل وسىنداي كەزەڭٸمەن سالىستىرعاندا 30,8 پايىزعا (0,8 ملرد اقش دوللارى) جوعارى. مەسەلەن, قازاقستاننان ۋكرايناعا ەكسپورت 2021 جىلى 35,5 پايىزعا ٶسٸپ, 575,2 ملن اقش دوللارىنا جەتتٸ», - دەپ اتاپ ٶتەدٸ مينيسترلٸكتەن.
ۆەدومستۆو مەلٸمەتٸنشە, قازاقستان ەكسپورتىنىڭ نەگٸزگٸ تاۋارلارىنا تابيعي گاز, تاس كٶمٸر, ارالاس مينەرالدىق تىڭايتقىشتار, ازوت تىڭايتقىشتارى, ٶڭدەلمەگەن مىرىش, فەرروقورىتپالار, ٶڭدەلگەن دەندٸ داقىلدار دەندەرٸ, قوسپالانباعان بولاتتان جاسالعان جالاتىلعان جازىق يلەك, كٷكٸرت, ينسەكتيتسيدتەر, گەربيتسيدتەر كٸرەدٸ.
ۋكراينادان قازاقستانعا دا يمپورت ٶستٸ. 2021 جىلى يمپورت 25,4 پايىزعا ارتىپ, 451,4 ملن اقش دوللارىنا جەتتٸ.
ۋكراينا يمپورتىنىڭ نەگٸزگٸ ٶنٸمدەرٸ قاتارىندا ۋىت سىعىندىسى, ۇننان جاسالعان تاماق ٶنٸمدەرٸ, جارما, كراحمال, دەرٸ-دەرمەكتەر, ٷي قۇس ەتٸ, كونديتەرلٸك ٶنٸمدەر, توپىراقتى دايىنداۋعا جەنە ٶڭدەۋگە ارنالعان اۋىل شارۋاشىلىق ماشينالارى, شوكولاد, ٸرٸمشٸك جەنە سٷزبە, تۇسقاعازدار جەنە باسقا دا قابىرعا جابىندارى بار.
