Memleket basshysy Túrkiia Prezidenti Redjep Taiip Erdoǵanǵa kóńil aitý jedelhatyn joldady, dep habarlaidy Aqordanyń resmi saity.
Qazaqstan Prezidenti Qasym-Jomart Toqaev Izmir provintsiiasyndaǵy jer silkinisi saldarynan qaitys bolǵan jáne zardap shekken azamattar týraly sýyt habardy tereń kúizelispen qabyl aldy.
– Sizge jáne osy tabiǵi apatta jaqyndarynan aiyrylǵan otbasylarǵa Qazaqstan halqynyń jáne jeke ózimniń atymnan kóńil aityp, orny tolmas qaiǵyǵa ortaqtasamyn. Jaraqat alǵan adamdardyń tez arada otbasylaryna qaita oralýlaryna duǵa etemiz. Baýyrlas túrik halqyna shynaiy tilekshi el retinde, qajettilik týyndaǵan jaǵdaida, qazaq halqy men Úkimeti tiisti kómek kórsetýge daiyn, – delingen jedelhatta.
Osyǵan deiin Túrkiianyń batysynda 6,6 baldyq jer silkinisi bolǵany habarlandy.
Qazaqstannyń Túrkiiadaǵy elshiligi osy oqiǵanyń saldarynan zardap shekkender arasynda Qazaqstan azamattarynyń joq ekenin málim etip, kómek qajet bolǵan jaǵdaida habarlasatyn telefon nómirlerin jariialady.
Sońǵy málimetter boiynsha, zilzalanyń saldarynan Túrkiiada 12 adam mert bolyp, 522 adam zardap shekti.
