Bangladeshke ýaqytsha ornalastyrylǵan rohindja bosqyndaryna Qazaqstannan gýmanitarlyq kómek berildi, dep habarlady Qazaqstannyń Pákistandaǵy elshisi Barlybai Sadyqov.
Jeltoqsannyń sońynda Qazaqstan rohindja musylmandaryna gýmanitarlyq kómek, atap aitqanda, 500 myń dollar somasynda qarjy bólgeni belgili boldy.
"18 sáýirde QR Pákistandaǵy elshiligi Qazaqstan Respýblikasynyń gýmanitarlyq kómegin Bangladesh Halyqtyq Respýblikasyndaǵy Koks-Bazar qalasyna jaqyn mańdaǵy aýmaqqa ýaqytsha qonystandyrylǵan rohindja bosqyndaryna tabystady", — dep jazdy Sadyqov Facebook-tegi jeke paraqshasyna.
Ol bosqyndardyń jalpy sany bir million adamnan asatynyn atap ótti.
Rohindja (rohinia) — XIX jáne XX ǵasyrdyń basynda Birmanyń Arakan shtatyna qonystanǵan etnikalyq bengal-musylmandar. Olar Rakhain shtaty halqynyń basym bóligin quraidy, degenmen olardyń arasynda Mianma azamattyǵyn alǵandar az.
Mianmanyń resmi biligi men býdda halqy rohindjany Bangladeshten zańsyz kelgen migranttar dep esepteidi. Olar men jergilikti arakan-býddalar arasyndaǵy qaqtyǵystyń tarihi tereńde jatyr.
Byltyr rohindja sodyrlary Mianma shekara beketteri men áskeri bólimderine shabýyldaǵannan keiin Mianma áskerileri jaýap retinde aýqymdy operatsiiany bastaǵan bolatyn. Qandy qyrǵynnyń saldarynan sońǵy birneshe aidyń ishinde jarty millionnan astam rohindja kórshi Bangladeshke qashyp bardy.
