بانگلادەشكە ۋاقىتشا ورنالاستىرىلعان روحيندجا بوسقىندارىنا قازاقستاننان گۋمانيتارلىق كٶمەك بەرٸلدٸ, دەپ حابارلادى قازاقستاننىڭ پەكٸستانداعى ەلشٸسٸ بارلىباي سادىقوۆ.
جەلتوقساننىڭ سوڭىندا قازاقستان روحيندجا مۇسىلماندارىنا گۋمانيتارلىق كٶمەك, اتاپ ايتقاندا, 500 مىڭ دوللار سوماسىندا قارجى بٶلگەنٸ بەلگٸلٸ بولدى.
"18 سەۋٸردە قر پەكٸستانداعى ەلشٸلٸگٸ قازاقستان رەسپۋبليكاسىنىڭ گۋمانيتارلىق كٶمەگٸن بانگلادەش حالىقتىق رەسپۋبليكاسىنداعى كوكس-بازار قالاسىنا جاقىن ماڭداعى اۋماققا ۋاقىتشا قونىستاندىرىلعان روحيندجا بوسقىندارىنا تابىستادى", — دەپ جازدى سادىقوۆ Facebook-تەگٸ جەكە پاراقشاسىنا.
ول بوسقىنداردىڭ جالپى سانى بٸر ميلليون ادامنان اساتىنىن اتاپ ٶتتٸ.
روحيندجا (روحينيا) — XIX جەنە XX عاسىردىڭ باسىندا بيرمانىڭ اراكان شتاتىنا قونىستانعان ەتنيكالىق بەنگال-مۇسىلماندار. ولار راكحاين شتاتى حالقىنىڭ باسىم بٶلٸگٸن قۇرايدى, دەگەنمەن ولاردىڭ اراسىندا ميانما ازاماتتىعىن العاندار از.
ميانمانىڭ رەسمي بيلٸگٸ مەن بۋددا حالقى روحيندجانى بانگلادەشتەن زاڭسىز كەلگەن ميگرانتتار دەپ ەسەپتەيدٸ. ولار مەن جەرگٸلٸكتٸ اراكان-بۋددالار اراسىنداعى قاقتىعىستىڭ تاريحي تەرەڭدە جاتىر.
بىلتىر روحيندجا سودىرلارى ميانما شەكارا بەكەتتەرٸ مەن ەسكەري بٶلٸمدەرٸنە شابۋىلداعاننان كەيٸن ميانما ەسكەريلەرٸ جاۋاپ رەتٸندە اۋقىمدى وپەراتسييانى باستاعان بولاتىن. قاندى قىرعىننىڭ سالدارىنان سوڭعى بٸرنەشە ايدىڭ ٸشٸندە جارتى ميلليوننان استام روحيندجا كٶرشٸ بانگلادەشكە قاشىپ باردى.
