Qazaqstan Prezidenti «Shevron» kompaniiasynyń direktorlar keńesiniń tóraǵasy jáne bas atqarýshy direktory Maikl Ýirtpen kezdesti, dep habarlaidy Aqordanyń baspasóz qyzmeti.
Kezdesýde taraptar munai óndirý men munaidy qaita óńdeý salasyndaǵy ózara yqpaldastyqtyń qazirgi máseleleri men perspektivalaryn talqylady.
Memleket basshysy ótken jyldar ishinde eki tarap tyǵyz ári ózara tiimdi qarym-qatynas ornatqanyn atap ótip, búginde yntymaqtastyqtyń jańa kezeńi bastalǵanyn aitty.
«Sizder ońai óńdeletin munaidyń álemdegi eń tereń ári iri ken oryndarynyń birine investitsiia quiyp otyrsyzdar. Qazirgi tańda ony tasymaldaý máseleleri sheshildi. Bul «Shevron» kompaniiasynyń eń iri aktivteriniń biri ekenin atap ótken jón», - dedi Elbasy.
Nursultan Nazarbaev Maikl Ýirtti qyzmetine kirisýimen quttyqtap, jaýapty jumysyna tabys tiledi.
M.Ýirt Qazaqstan Prezidentine quttyqtaǵany úshin alǵys aityp, ekijaqty qarym-qatynastardyń jemisti ekenin atap ótti.
