قازاقستان پرەزيدەنتٸ «شەۆرون» كومپانيياسىنىڭ ديرەكتورلار كەڭەسٸنٸڭ تٶراعاسى جەنە باس اتقارۋشى ديرەكتورى مايكل ۋيرتپەن كەزدەستٸ, دەپ حابارلايدى اقوردانىڭ باسپاسٶز قىزمەتٸ.
كەزدەسۋدە تاراپتار مۇناي ٶندٸرۋ مەن مۇنايدى قايتا ٶڭدەۋ سالاسىنداعى ٶزارا ىقپالداستىقتىڭ قازٸرگٸ مەسەلەلەرٸ مەن پەرسپەكتيۆالارىن تالقىلادى.
مەملەكەت باسشىسى ٶتكەن جىلدار ٸشٸندە ەكٸ تاراپ تىعىز ەرٸ ٶزارا تيٸمدٸ قارىم-قاتىناس ورناتقانىن اتاپ ٶتٸپ, بٷگٸندە ىنتىماقتاستىقتىڭ جاڭا كەزەڭٸ باستالعانىن ايتتى.
«سٸزدەر وڭاي ٶڭدەلەتٸن مۇنايدىڭ ەلەمدەگٸ ەڭ تەرەڭ ەرٸ ٸرٸ كەن ورىندارىنىڭ بٸرٸنە ينۆەستيتسييا قۇيىپ وتىرسىزدار. قازٸرگٸ تاڭدا ونى تاسىمالداۋ مەسەلەلەرٸ شەشٸلدٸ. بۇل «شەۆرون» كومپانيياسىنىڭ ەڭ ٸرٸ اكتيۆتەرٸنٸڭ بٸرٸ ەكەنٸن اتاپ ٶتكەن جٶن», - دەدٸ ەلباسى.
نۇرسۇلتان نازارباەۆ مايكل ۋيرتتٸ قىزمەتٸنە كٸرٸسۋٸمەن قۇتتىقتاپ, جاۋاپتى جۇمىسىنا تابىس تٸلەدٸ.
م.ۋيرت قازاقستان پرەزيدەنتٸنە قۇتتىقتاعانى ٷشٸن العىس ايتىپ, ەكٸجاقتى قارىم-قاتىناستاردىڭ جەمٸستٸ ەكەنٸن اتاپ ٶتتٸ.
