Prodiýser Gúlzira Aidarbekova áleýmettik jelide áielderdiń kúieýinen ruqsat suraýyna qatysty pikir bildirip, Roza Koýchtiń sózine jaýap berdi, dep habarlaidy ult.kz.
Aidarbekova jazbasynda Roza Koýchtiń áiel adamnyń kúieýinen suranýyn quptamaitynyna qatysty oiyn ashyq jetkizgen.
«Suransa bir jeri kemip qalady da, suranbai ketse qaraǵaidai mańdaiyna múiiz shyǵady ma eken?» – dep jazdy Gúlzira Aidarbekova.
Prodiýser jastardyń óz ata-anasyn emes, syrttan aqyl aitatyn adamdardy tyńdap, úlkendi syilaýdy umytyp bara jatqanyna alańdaitynyn aitty.
«Jastar osyndaida úmit artyp, ósirip otyrǵan óz ata-anasyn emes, osylai aqyl berýshilerdi tyńdap, ózgerip ketti. Úlkendi qurmetteý joǵalyp, bulai azǵyrýǵa bolmaidy», – dedi ol.
Gúlzira Aidarbekova kelinderimen qarym-qatynasy týraly da aityp, ózi olardyń ár isine aralasa bermeitinin jetkizdi.
«Men de enemin, kelin maǵan aitpaq turmaq, meniń ózim aitpai, eskertpei ketpeimin, bizder bir otbasy emespiz be», – dep jazdy ol.
Prodiýser kelinderi ózine qonaqqa barǵanda, qolyna syilyq ustatyp jiberetinin aityp, mundai qarym-qatynasty joǵary baǵalaitynyn jetkizdi.
«Sodan keiin keremet kóńil-kúimen, osylardy bere salǵan qudaiǵa raqmet dep, shúkirshiligimdi aityp, máz bolyp úiden shyǵamyn», – dedi ol.
Sonymen qatar Gúlzira Aidarbekova Roza Koýchtiń sózine qatysty jeke ustanymyn da bildirdi.
«Kúieýinen suransań ne bolypty, bir jaǵdai bolyp qalsa, júgiretini sol otbasy, kúieýiń emes pe?» – dep jazdy ol.
Prodiýser Rozamen syilastyq qarym-qatynasta ekenin atap ótip, alaida bul sóziniń ózine aýyr tigenin aitty.
«Men Rozamen syilasamyn, biraq myna sózi denemdi titirkentti», – dedi Gúlzira Aidarbekova.
Ol sońynda analar men kelinderge bir-birine qurmetpen qarap, ózara menmendik pen ózimshildikti toqtatýǵa shaqyrdy.
«Eregisti toqtatyp, menmendikti, ózimshildikti toqtatyp, tek jaqsy oilarmen, ol kisilerge degen meiirimmen ómir súrip kórińizshi», – dep jazdy ol.
