Memleket basshysy Qasym-Jomart Toqaev Ózbekstan Prezidenti Shavkat Mirziioevpen telefon arqyly sóilesti, dep habarlaidy Aqorda.
Qasym-Jomart Toqaev Shavkat Mirziioevti týǵan kúnimen quttyqtap, jaýapty memlekettik qyzmetine tabys, al Ózbekstan halqyna baq-bereke tiledi.
Memleket basshysy Ózbekstan Prezidentiniń ǵasyrlar boiy qalyptasqan dostyqqa, baýyrlastyqqa jáne tatý kórshilikke negizdelgen eki jaqty strategiialyq seriktestikti damytýǵa qosqan úlesin joǵary baǵalady.
Qasym-Jomart Toqaev eki eldiń qiyn-qystaý kezeńde bir-birine qoldaý kórsetkenin shynaiy baýyrlastyq qatynastardyń úlgisi retinde atap ótti. Osy rette Qasym-Jomart Toqaev Shavkat Mirziioevke Sardoba sý qoimasyndaǵy apat saldarynan zardap shekken Túrkistan oblysyna kórsetken kómegi úshin rizashylyǵyn bildirdi. Sonymen qatar Qazaqstan Respýblikasynyń Úkimeti Ózbekstannyń Syrdariia oblysyndaǵy zardap shekken aýdan turǵyndaryna azyq-túlik taýarlaryn jiberý jóninde sheshim qabyldaǵanyn jetkizdi.
Áńgimelesý sońynda taraptar aimaqtaǵy epidemiologiialyq ahýal jaiynda aqparat almasyp, COVID-19 indetimen jáne onyń saldarymen kúrestegi is-qimyldardy jalǵastyra berýge nietti ekenin bildirdi.
