مەملەكەت باسشىسى قاسىم-جومارت توقاەۆ ٶزبەكستان پرەزيدەنتٸ شاۆكات ميرزييوەۆپەن تەلەفون ارقىلى سٶيلەستٸ, دەپ حابارلايدى اقوردا.
قاسىم-جومارت توقاەۆ شاۆكات ميرزييوەۆتٸ تۋعان كٷنٸمەن قۇتتىقتاپ, جاۋاپتى مەملەكەتتٸك قىزمەتٸنە تابىس, ال ٶزبەكستان حالقىنا باق-بەرەكە تٸلەدٸ.
مەملەكەت باسشىسى ٶزبەكستان پرەزيدەنتٸنٸڭ عاسىرلار بويى قالىپتاسقان دوستىققا, باۋىرلاستىققا جەنە تاتۋ كٶرشٸلٸككە نەگٸزدەلگەن ەكٸ جاقتى ستراتەگييالىق سەرٸكتەستٸكتٸ دامىتۋعا قوسقان ٷلەسٸن جوعارى باعالادى.
قاسىم-جومارت توقاەۆ ەكٸ ەلدٸڭ قيىن-قىستاۋ كەزەڭدە بٸر-بٸرٸنە قولداۋ كٶرسەتكەنٸن شىنايى باۋىرلاستىق قاتىناستاردىڭ ٷلگٸسٸ رەتٸندە اتاپ ٶتتٸ. وسى رەتتە قاسىم-جومارت توقاەۆ شاۆكات ميرزييوەۆكە ساردوبا سۋ قويماسىنداعى اپات سالدارىنان زارداپ شەككەن تٷركٸستان وبلىسىنا كٶرسەتكەن كٶمەگٸ ٷشٸن ريزاشىلىعىن بٸلدٸردٸ. سونىمەن قاتار قازاقستان رەسپۋبليكاسىنىڭ ٷكٸمەتٸ ٶزبەكستاننىڭ سىردارييا وبلىسىنداعى زارداپ شەككەن اۋدان تۇرعىندارىنا ازىق-تٷلٸك تاۋارلارىن جٸبەرۋ جٶنٸندە شەشٸم قابىلداعانىن جەتكٸزدٸ.
ەڭگٸمەلەسۋ سوڭىندا تاراپتار ايماقتاعى ەپيدەميولوگييالىق احۋال جايىندا اقپارات الماسىپ, COVID-19 ٸندەتٸمەن جەنە ونىڭ سالدارىمەن كٷرەستەگٸ ٸس-قيمىلداردى جالعاستىرا بەرۋگە نيەتتٸ ەكەنٸن بٸلدٸردٸ.
