Qazaqstan Prezidenti Qasym-Jomart Toqaev QHR Tóraǵasynyń orynbasary Van Tsishanmen kezdesti, dep habarlaidy "Ult aqparat" Aqordanyń resmi saityna silteme jasap.
Áńgimelesý barysynda Memleket basshysy Qytaidyń AÓSShK sammitine osyndai joǵary deńgeide qatysýy bizdiń orasan zor kontinentte beibitshilikti, turaqtylyq pen qaýipsizdikti saqtaý jolyndaǵy ózara senimge negizdelgen seriktestikti nyǵaitýǵa eleýli úles qosatynyn atap ótti.
Prezident keńesti tolyqqandy halyqaralyq uiymǵa ainaldyrý jónindegi Qazaqstannyń bastamasyn qoldaǵany úshin Qytai tarapyna rizashylyǵyn bildirdi.
Kezdesýde Tóraǵa Si Tszinpinniń ótken aida Qazaqstanǵa jasaǵan memlekettik saparynyń qorytyndysy boiynsha qol jetkizilgen ýaǵdalastyqtardyń júzege asyrylý barysy talqylandy.
Óz kezeginde Van Tsishan Qasym-Jomart Toqaevqa QHR Tóraǵasy Si Tszinpinniń sálemin jetkizdi jáne Qytai men Qazaqstannyń saýda-ekonomikalyq, investitsiialyq, kólik-logistikalyq, mádeni-gýmanitarlyq salalardaǵy, ónerkásip kooperatsiiasy men tsifrlandyrý baǵytyndaǵy ekijaqty qatynastary qarqyndy damyp kele jatqanyn atap ótti.
Van Tsishan eki el arasyndaǵy qarym-qatynas máńgilik dostyq pen ózara senim rýhynda damyp kele jatqanyn aitty. Qytai delegatsiiasy basshysynyń aitýynsha, Si Tszinpinniń Qazaqstanǵa sapary barysynda qol jetkizilgen ýaǵdalastyqtar sátti júzege asyp keledi.
Sonymen qatar olar óńirlik jáne jahandyq kún tártibindegi ózekti máseleler jóninde pikir almasty.
