قازاقستان پرەزيدەنتٸ قاسىم-جومارت توقاەۆ قحر تٶراعاسىنىڭ ورىنباسارى ۆان تسيشانمەن كەزدەستٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
ەڭگٸمەلەسۋ بارىسىندا مەملەكەت باسشىسى قىتايدىڭ اٶسشك سامميتٸنە وسىنداي جوعارى دەڭگەيدە قاتىسۋى بٸزدٸڭ وراسان زور كونتينەنتتە بەيبٸتشٸلٸكتٸ, تۇراقتىلىق پەن قاۋٸپسٸزدٸكتٸ ساقتاۋ جولىنداعى ٶزارا سەنٸمگە نەگٸزدەلگەن سەرٸكتەستٸكتٸ نىعايتۋعا ەلەۋلٸ ٷلەس قوساتىنىن اتاپ ٶتتٸ.
پرەزيدەنت كەڭەستٸ تولىققاندى حالىقارالىق ۇيىمعا اينالدىرۋ جٶنٸندەگٸ قازاقستاننىڭ باستاماسىن قولداعانى ٷشٸن قىتاي تاراپىنا ريزاشىلىعىن بٸلدٸردٸ.
كەزدەسۋدە تٶراعا سي تسزينپيننٸڭ ٶتكەن ايدا قازاقستانعا جاساعان مەملەكەتتٸك ساپارىنىڭ قورىتىندىسى بويىنشا قول جەتكٸزٸلگەن ۋاعدالاستىقتاردىڭ جٷزەگە اسىرىلۋ بارىسى تالقىلاندى.
ٶز كەزەگٸندە ۆان تسيشان قاسىم-جومارت توقاەۆقا قحر تٶراعاسى سي تسزينپيننٸڭ سەلەمٸن جەتكٸزدٸ جەنە قىتاي مەن قازاقستاننىڭ ساۋدا-ەكونوميكالىق, ينۆەستيتسييالىق, كٶلٸك-لوگيستيكالىق, مەدەني-گۋمانيتارلىق سالالارداعى, ٶنەركەسٸپ كووپەراتسيياسى مەن تسيفرلاندىرۋ باعىتىنداعى ەكٸجاقتى قاتىناستارى قارقىندى دامىپ كەلە جاتقانىن اتاپ ٶتتٸ.
ۆان تسيشان ەكٸ ەل اراسىنداعى قارىم-قاتىناس مەڭگٸلٸك دوستىق پەن ٶزارا سەنٸم رۋحىندا دامىپ كەلە جاتقانىن ايتتى. قىتاي دەلەگاتسيياسى باسشىسىنىڭ ايتۋىنشا, سي تسزينپيننٸڭ قازاقستانعا ساپارى بارىسىندا قول جەتكٸزٸلگەن ۋاعدالاستىقتار سەتتٸ جٷزەگە اسىپ كەلەدٸ.
سونىمەن قاتار ولار ٶڭٸرلٸك جەنە جاھاندىق كٷن تەرتٸبٸندەگٸ ٶزەكتٸ مەسەلەلەر جٶنٸندە پٸكٸر الماستى.
