Qazaqstan óz aýmaǵyn sanktsiialardy ainalyp ótetin aimaq retinde paidalanýǵa ruqsat bermeidi. QR Syrtqy ister vitse-ministri Roman Vasilenko Májilis kýlýarynda osyndai pikir bildirdi, - dep habarlaidy Tengrinews.kz.
"Resei Qazaqstanǵa gaz odaǵyn qurýdy usyndy. Basqa elder bizdi Reseige sanktsiialardy ainalyp ótetin qural bolmai ma" - dep surady jýrnalister Májilisten keiin Syrtqy ister ministriniń orynbasarynan.
"Ony talqylaýǵa áli erte, óitkeni bul áli ideia ǵana. Biraq Qazaqstan óz aýmaǵyn sanktsiialardy ainalyp ótý úshin paidalanýǵa jol bermeidi. Sonymen qatar biz ózimiz halyqaralyq máselelerdi sheshý ádisi retinde sanktsiialardy qoldamaimyz", - dedi Roman Vasilenko.
Ol bul ideiany muqiiat zerdeleý kerek dep túsindirdi, óitkeni diplomatiiada "belgili bir memlekettik sheshim qabyldanbai turyp, mamandardyń nazaryn aýdarýǵa turarlyq" ideialar kóp.
"Sondyqtan Memleket basshysy aitqandai, bul ideiany endi sarapshylar da, sheshim qabyldamas buryn ózi de zertteitin bolady", - dep sendirdi Roman Vasilenko.
