قازاقستان ٶز اۋماعىن سانكتسييالاردى اينالىپ ٶتەتٸن ايماق رەتٸندە پايدالانۋعا رۇقسات بەرمەيدٸ. قر سىرتقى ٸستەر ۆيتسە-مينيسترٸ رومان ۆاسيلەنكو مەجٸلٸس كۋلۋارىندا وسىنداي پٸكٸر بٸلدٸردٸ, - دەپ حابارلايدى Tengrinews.kz.
"رەسەي قازاقستانعا گاز وداعىن قۇرۋدى ۇسىندى. باسقا ەلدەر بٸزدٸ رەسەيگە سانكتسييالاردى اينالىپ ٶتەتٸن قۇرال بولماي ما" - دەپ سۇرادى جۋرناليستەر مەجٸلٸستەن كەيٸن سىرتقى ٸستەر مينيسترٸنٸڭ ورىنباسارىنان.
"ونى تالقىلاۋعا ەلٸ ەرتە, ٶيتكەنٸ بۇل ەلٸ يدەيا عانا. بٸراق قازاقستان ٶز اۋماعىن سانكتسييالاردى اينالىپ ٶتۋ ٷشٸن پايدالانۋعا جول بەرمەيدٸ. سونىمەن قاتار بٸز ٶزٸمٸز حالىقارالىق مەسەلەلەردٸ شەشۋ ەدٸسٸ رەتٸندە سانكتسييالاردى قولدامايمىز", - دەدٸ رومان ۆاسيلەنكو.
ول بۇل يدەيانى مۇقييات زەردەلەۋ كەرەك دەپ تٷسٸندٸردٸ, ٶيتكەنٸ ديپلوماتييادا "بەلگٸلٸ بٸر مەملەكەتتٸك شەشٸم قابىلدانباي تۇرىپ, مامانداردىڭ نازارىن اۋدارۋعا تۇرارلىق" يدەيالار كٶپ.
"سوندىقتان مەملەكەت باسشىسى ايتقانداي, بۇل يدەيانى ەندٸ ساراپشىلار دا, شەشٸم قابىلداماس بۇرىن ٶزٸ دە زەرتتەيتٸن بولادى", - دەپ سەندٸردٸ رومان ۆاسيلەنكو.
