Foto: Aqorda
Qasym-Jomart Toqaev energetika sektory eki el ekonomikasynyń negizgi qozǵaýshy kúshi sanalatynyn aitty. Qazaqstan munai jáne gaz qoryn barlaý úshin mol múmkindikter usynýǵa daiyn, – dep habarlaidy «Ult aqparat» Aqordaǵa silteme jasap.
– Biz mańyzdy ken oryndaryn ashý úshin álemdegi úzdik tájiribelerdi engizip jatyrmyz. Osyǵan orai energetika salasyndaǵy Qatar kompaniialaryn geologiialyq barlaý, munai himiiasy, munai men gazdy tasymaldaý, óńdeý jobalaryna belsendi atsalysýǵa shaqyramyn. Búgin Power International Holding kompaniiasymen Qashaǵan ken ornynda gaz óńdeý zaýyttarynyń, sondai-aq Beineý – Bozoi – Shymkent jáne Aqtóbe – Qostanai gaz qubyrlarynyń qurylysy týraly kelisimderge qol qoiý josparlanyp otyr. Bul – keleshegi zor bastama. Qashaǵanda taǵy bir gaz óńdeý zaýytyn salýǵa qatysty kelissózder kóp uzamai naqty nátije beredi dep úmittenemiz, – dedi Qazaqstan Prezidenti.
Sonymen qatar Memleket basshysy jańartylatyn energiia sektoryndaǵy yqpaldastyq máselesine arnaiy toqtaldy. Qazaqstannyń bir trillion-kilovatqa baǵalanǵan jańartylatyn energiia kózderiniń áleýeti osy saladaǵy jahandyq oiynshylardyń nazaryn aýdardy. Jalpy alǵanda, olar 43 gigavatt qýat óndiretin birneshe jobany júzege asyrýǵa mindetteme aldy.
– Nebras Power kompaniiasynyń Qazaqstanda qýaty 350 megavatt bolatyn sý elektr stantsiiasyn salý nietin, sondai-aq Pearl Overseas kompaniiasynyń qýaty 1,1 gigavatt bolatyn bý-gaz qondyrǵysyn ornatý josparyn joǵary baǵalaimyz. Biz osy asa mańyzdy sektordaǵy óndiris, tehnologiia transferti jáne tájiribe almasý baǵyttary boiynsha seriktestikti jalǵastyrýǵa múddelimiz, – dedi Prezident.
Qasym-Jomart Toqaev Qatar kompaniialaryn kobalt, litii jáne basqa da álem ekonomikasyna qajet asa mańyzdy shikizat túrlerin óndirý jáne óńdeý isine atsalysýǵa shaqyrdy.
