فوتو: اقوردا
قاسىم-جومارت توقاەۆ ەنەرگەتيكا سەكتورى ەكٸ ەل ەكونوميكاسىنىڭ نەگٸزگٸ قوزعاۋشى كٷشٸ سانالاتىنىن ايتتى. قازاقستان مۇناي جەنە گاز قورىن بارلاۋ ٷشٸن مول مٷمكٸندٸكتەر ۇسىنۋعا دايىن, – دەپ حابارلايدى «ۇلت اقپارات» اقورداعا سٸلتەمە جاساپ.
– بٸز ماڭىزدى كەن ورىندارىن اشۋ ٷشٸن ەلەمدەگٸ ٷزدٸك تەجٸريبەلەردٸ ەنگٸزٸپ جاتىرمىز. وسىعان وراي ەنەرگەتيكا سالاسىنداعى قاتار كومپانييالارىن گەولوگييالىق بارلاۋ, مۇناي حيميياسى, مۇناي مەن گازدى تاسىمالداۋ, ٶڭدەۋ جوبالارىنا بەلسەندٸ اتسالىسۋعا شاقىرامىن. بٷگٸن Power International Holding كومپانيياسىمەن قاشاعان كەن ورنىندا گاز ٶڭدەۋ زاۋىتتارىنىڭ, سونداي-اق بەينەۋ – بوزوي – شىمكەنت جەنە اقتٶبە – قوستاناي گاز قۇبىرلارىنىڭ قۇرىلىسى تۋرالى كەلٸسٸمدەرگە قول قويۋ جوسپارلانىپ وتىر. بۇل – كەلەشەگٸ زور باستاما. قاشاعاندا تاعى بٸر گاز ٶڭدەۋ زاۋىتىن سالۋعا قاتىستى كەلٸسسٶزدەر كٶپ ۇزاماي ناقتى نەتيجە بەرەدٸ دەپ ٷمٸتتەنەمٸز, – دەدٸ قازاقستان پرەزيدەنتٸ.
سونىمەن قاتار مەملەكەت باسشىسى جاڭارتىلاتىن ەنەرگييا سەكتورىنداعى ىقپالداستىق مەسەلەسٸنە ارنايى توقتالدى. قازاقستاننىڭ بٸر تريلليون-كيلوۆاتقا باعالانعان جاڭارتىلاتىن ەنەرگييا كٶزدەرٸنٸڭ ەلەۋەتٸ وسى سالاداعى جاھاندىق ويىنشىلاردىڭ نازارىن اۋداردى. جالپى العاندا, ولار 43 گيگاۆاتت قۋات ٶندٸرەتٸن بٸرنەشە جوبانى جٷزەگە اسىرۋعا مٸندەتتەمە الدى.
– Nebras Power كومپانيياسىنىڭ قازاقستاندا قۋاتى 350 مەگاۆاتت بولاتىن سۋ ەلەكتر ستانتسيياسىن سالۋ نيەتٸن, سونداي-اق Pearl Overseas كومپانيياسىنىڭ قۋاتى 1,1 گيگاۆاتت بولاتىن بۋ-گاز قوندىرعىسىن ورناتۋ جوسپارىن جوعارى باعالايمىز. بٸز وسى اسا ماڭىزدى سەكتورداعى ٶندٸرٸس, تەحنولوگييا ترانسفەرتٸ جەنە تەجٸريبە الماسۋ باعىتتارى بويىنشا سەرٸكتەستٸكتٸ جالعاستىرۋعا مٷددەلٸمٸز, – دەدٸ پرەزيدەنت.
قاسىم-جومارت توقاەۆ قاتار كومپانييالارىن كوبالت, ليتيي جەنە باسقا دا ەلەم ەكونوميكاسىنا قاجەت اسا ماڭىزدى شيكٸزات تٷرلەرٸن ٶندٸرۋ جەنە ٶڭدەۋ ٸسٸنە اتسالىسۋعا شاقىردى.
